അറ്റകുറ്റപ്പണികൾ, കുവൈത്തിലെ നിരവധി റോഡുകൾ അടച്ചിടും

കുവൈത്ത് സിറ്റി: അറ്റകുറ്റപ്പണികൾ നടക്കുന്നതിനാല്‍ കുവൈത്തിലെ നിരവധി റോഡുകൾ അടച്ചിടും. ഏപ്രിൽ 13 മുതൽ കിംഗ് അബ്ദുൽ അസീസ് ബിൻ അബ്ദുൽ റഹ്മാൻ റോഡിലെ (ഫഹാഹീൽ എക്സ്പ്രസ് വേ) രണ്ട് വരികൾ, കുവൈത്ത് സിറ്റിയിൽ നിന്ന് സബാഹ് അൽ-സേലം പ്രദേശത്തിന് സമീപം ഫഹാഹീലിലേക്ക് പോകുന്ന റോഡ് അടച്ചിടും. 

റോഡ് വികസനത്തിന്‍റെയും അറ്റകുറ്റപ്പണികളുടെയും ഭാഗമായ ഈ അടച്ചിടൽ ഏപ്രിൽ 23 വരെ നീണ്ടുനിൽക്കും. സബാഹ് അൽ-സലേത്തിൽ നിന്ന് ഫഹാഹീൽ എക്സ്പ്രസ് വേയിലേക്കുള്ള എക്സിറ്റും ഈ കാലയളവിൽ അടച്ചിടും. അതേസമയം അബ്ദുള്ള അൽ മുബാറക്കിന് എതിർവശത്തുള്ള സെവൻത് റിംഗ് റോഡിന് സമാന്തരമായുള്ള റോഡും സെവൻത് റിംഗ് റോഡിലേക്ക് നയിക്കുന്ന പ്രദേശത്തിന്റെ എക്സിറ്റും ഈ ദിവസങ്ങളിൽ പണികൾ പൂർത്തിയാകുന്നതുവരെ അടച്ചിടും.

Read Also – കുവൈത്തിൽ സമഗ്ര സുരക്ഷാ, ട്രാഫിക് ക്യാമ്പയിൻ; നിരവധി പേർ അറസ്റ്റിൽ

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം