Vishu 2025: വിഷുവിന് എളുപ്പത്തില്‍ ഒരു സേമിയ പായസം തയ്യാറാക്കാം; റെസിപ്പി
‘രുചിക്കാലം’ വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
വിഷുവിന് സദ്യയ്ക്കൊപ്പം കഴിക്കാന്‍ നല്ല ടേസ്റ്റി സേമിയ പായസം തയ്യാറാക്കിയാലോ?
വേണ്ട ചേരുവകൾ
സേമിയ -2 കപ്പ്
പാൽ – 2 ലിറ്റർ
പഞ്ചസാര -1/2 കിലോ
നെയ്യ് -3 സ്പൂൺ
ഏലയ്ക്കാ പൊടി -1 സ്പൂൺ
അണ്ടിപരിപ്പ് – 4 സ്പൂൺ
ഉണക്കമുന്തിരി – 4 സ്പൂൺ
തേങ്ങ കൊത്ത് – 2 സ്പൂൺ
തയ്യാറാക്കുന്ന വിധം
പായസം തയ്യാറാക്കുന്നതിനായി ആദ്യം സേമിയ നല്ലതുപോലെ നെയ്യില്‍ വറുത്തെടുക്കുക. അതിനുശേഷം പാല് വെച്ച് തിളച്ചു കഴിയുമ്പോൾ അതിലേയ്ക്ക് ആവശ്യത്തിന് പഞ്ചസാരയും സേമിയവും ചേർത്ത് കൊടുക്കുക. വെന്തു തുടങ്ങുമ്പോൾ അതിലേക്ക് നെയ്യും കൂടി ചേർത്ത് നന്നായിട്ട് തിളപ്പിച്ച് കുറുക്കി എടുക്കുക. അടുത്തതായി ചെയ്യേണ്ടത് ഇതിലേയ്ക്ക് ആവശ്യത്തിന് നെയ്യിൽ അണ്ടിപ്പരിപ്പും തേങ്ങാക്കൊത്തും മുന്തിരിയും കൂടി ചേർത്ത് അലങ്കരിക്കാവുന്നതാണ്. ഏറ്റവും ഒടുവില്‍ ആവശ്യത്തിന് ഏലയ്ക്കാ പൊടി കൂടി ചേർത്ത് ഇളക്കി യോജിപ്പിക്കാവുന്നതാണ്.
Also read: വിഷുവിന് നല്ല സോഫ്റ്റ് ഉണ്ണിയപ്പം വീട്ടില്‍ തയ്യാറാക്കാം; റെസിപ്പി