ടേ​ബ്ൾ ടെ​ന്നി​സ് ലോ​ക ചാ​മ്പ്യ​ൻ​ഷി​പ്പിന് വീണ്ടും വേദിയാകാൻ ഖത്തർ: ടി​ക്ക​റ്റ് വി​ൽ​പന​ക്ക് തു​ട​ക്കം

ദോഹ: ടേ​ബ്ൾ ടെ​ന്നി​സി​ൽ ലോ​ക​ത്തെ പ്ര​മു​ഖ താ​ര​ങ്ങ​ൾ മാ​റ്റു​ര​ക്കു​ന്ന ലോക ചാ​മ്പ്യ​ൻ​ഷി​പ്പ് പോ​രാ​ട്ട​ങ്ങ​ൾ​ക്ക് വീണ്ടും ഖത്തർ സാക്ഷ്യം വഹിക്കാനൊരുങ്ങുന്നു. മേ​യ് 17 മു​ത​ൽ 25 വ​രെ ദോ​ഹ വേ​ദി​യൊ​രു​ക്കു​ന്ന ടേ​ബ്ൾ ടെ​ന്നി​സ് ലോക ചാ​മ്പ്യ​ൻ​ഷി​പ്പി​ന്റെ ടി​ക്ക​റ്റ് വി​ൽ​പ​ന ​ആരംഭിച്ചതായി ഖത്തർ ടേബിൾ ടെന്നീസ് ഫെഡറേഷൻ അറിയിച്ചു. ര​ണ്ട് പ​തി​റ്റാ​ണ്ടി​നു ശേ​ഷം ​ഖ​ത്ത​റി​ലേ​ക്ക് തി​രി​കെ​യെ​ത്തു​ന്ന ടി.​ടി ചാ​മ്പ്യ​ൻ​ഷി​പ് ഫൈ​ന​ൽസിന് ലു​സൈ​ൽ ഹാ​ളും ഖ​ത്ത​ർ യൂ​നി​വേ​ഴ്സി​റ്റി ഹാ​ളു​മാ​ണ് വേ​ദി​യാ​കു​ന്ന​ത്. പു​രു​ഷ, വ​നി​ത സിം​ഗ്ൾ​സ്, ഡ​ബ്ൾ​സ് എ​ന്നി​വ​ക്കൊ​പ്പം മി​ക്സ​ഡ് ഡ​ബ്ൾ​സി​ലും മ​ത്സ​ര​ങ്ങ​ൾ അ​ര​ങ്ങേ​റും.  

2004ലാണ് ആദ്യമായി ടേ​ബ്ൾ ടെ​ന്നി​സ് ലോ​ക ചാ​മ്പ്യ​ൻ​ഷി​പ്പിന് ഖത്തർ ആതിഥേയത്വം വഹിച്ചത്. ചാമ്പ്യൻഷിപ്പിന് വേദിയാകുന്ന ആദ്യത്തെ മിഡിൽ ഈസ്റ്റേൺ രാജ്യമായി ഖത്തർ മാറുകയും ചെയ്തു. ക്യൂ ​ടി​ക്ക​റ്റ്സ് വ​ഴി ആ​രാ​ധ​ക​ർ​ക്ക് ടൂ​ർ​ണ​മെ​ന്റ് ടി​ക്ക​റ്റു​ക​ൾ സ്വ​ന്ത​മാ​ക്കാമെന്ന് ഖത്ത​ർ ടേ​ബ്ൾ ടെ​ന്നി​സ് ഫെ​ഡ​റേ​ഷ​ൻ​ അ​റി​യി​ച്ചു. ടൂ​ർ​ണ​മെ​ന്റി​നു​ള്ള ത​യാ​റെ​ടു​പ്പു​ക​ൾ 90 ശ​ത​മാ​ന​വും പൂ​ർ​ത്തി​യാ​ക്കി​യ​താ​യും ലോ​കോ​ത്ത​ര കായിക മേ​ള​ക​ൾ​ക്ക് വി​ജ​യ​ക​ര​മാ​യി ആ​തി​ഥ്യം വ​ഹി​ച്ച ഖ​ത്ത​ർ അ​തേ നി​ല​വാ​ര​ത്തി​ൽ​ ത​ന്നെ​യാ​ണ് ടേ​ബ്ൾ​ ടെ​ന്നി​സ് ചാ​മ്പ്യ​ൻ​ഷി​പ്പി​നും വേ​ദി​യൊ​രു​ക്കു​ന്ന​തെ​ന്നും  ഖ​ത്ത​ർ ഫെ​ഡ​റേ​ഷ​ൻ​ ബോ​ർ​ഡ് ഡ​യ​റ​ക്ട​റും നാ​ഷ​ന​ൽ ടീം ​ക​മ്മി​റ്റി ചെ​യ​ർ​മാ​നു​മാ​യ ഥാ​നി അ​ൽ സാ​റ അ​റി​യി​ച്ചു. 

read more: പാസ്പോർ‍ട്ടിൽ ഇന്നു മുതൽ പ്രത്യേക സ്റ്റാമ്പ് പതിക്കും, ദുബൈ വിമാനത്താവളത്തിൽ പുതിയ ക്രമീകരണങ്ങൾ

By admin

You missed