98ാം വയസിൽ ലുലു മാൾ സന്ദർശിച്ച് സാനുമാഷ്, അത്ഭുതം കണ്ട അനുഭൂതിയെന്ന് പ്രതികരണം
എടപ്പള്ളി: കൊച്ചി ലുലു മാളിന്‍റെ പന്ത്രണ്ടാം വാര്‍ഷികത്തിന്‍റെ ഭാഗമായുള്ള ആഘോഷത്തില്‍ പങ്കെടുത്ത് സാഹിത്യകാരന്‍ എം.കെ.സാനു. ലുലു മാള്‍ അധികൃതര്‍ സാനുമാസ്റ്ററെ ആദരിച്ചു. തൊണ്ണൂറ്റി എട്ടാം വയസില്‍ അത്ഭുതം കണ്ട അനുഭൂതിയെന്ന് മാളിലെത്തിയ എംകെ സാനു മാസ്റ്റർ വിശദമാക്കിയത്. വാണിജ്യലോകത്ത് അതുല്യനായ വ്യക്തിയായി എം.എ യൂസഫലിമാറിയെന്നും 22 കോടി ജനങ്ങൾ ലുലുമാളിലെത്തിയെന്നത് അത്ഭുതമെന്നും എം.കെ സാനുമാഷ് പ്രതികരിച്ചു
ഒരു മണിക്കുറിലേറെ സമയം സാനുമാഷ് മാൾ ചുറ്റിനടന്ന് കണ്ടു. ഇലക്ട്രിക് വീൽചെയറിൽ സഞ്ചരിക്കുവാനുള്ള അഭ്യാർത്ഥന നിരസിച്ചായിരുന്നു മാഷിൻറെ നടത്തം. ലുലു റീജണൽ ഡയറക്ടർ സാദിഖ് ഖാസിമും ലുലു ഇന്ത്യ മീഡിയ ഹെഡ് എൻ.ബി സ്വരാജും ചേർന്ന് മാളിലെ കാഴ്ചകൾ സാനുമാഷിന് വിവരിച്ചു നൽകി. ഓരോ കാഴ്ചയും കണ്ട് ലുലുവിനെ കുറിച്ചു ലുലു ഗ്രൂപ്പ് ചെയർമാൻ എം.എ.യൂസഫലിയെ കുറിച്ചുമുള്ള ഓർമകളും പങ്കുവച്ചാണ് മടങ്ങിയത്.
സാനുമാഷിനെ പൊന്നാട അണിയിച്ചും ഉപഹാരം നൽകിയും ലുലു ഗ്രൂപ്പ് ഇന്ത്യ സി.ഇ.ഒ ആൻഡ് ഡയറക്ടർ എം.എ നിഷാദ് ആദരിച്ചു. തുടർന്ന് 12മത് വാർഷികാഘോഷം കൂറ്റൻ കേക്ക് മുറിച്ച് സാനുമാഷ് ഉദ്ഘാടനം ചെയ്തു. ലോക പ്രശസ്തമായ ലുലുമാൾ ഏറ്റവും വിദഗ്ദ്ധമായി കൊണ്ടുപോകുന്നതിൽ എം.എ യൂസഫലിയുടെ പങ്ക് വലുതാണെന്നും സാനുമാഷ് പറഞ്ഞത്. ഒരു രാജ്യത്തിന്റെ രക്തനാഡി എന്നത് വാണിജ്യമാണ്. ആ വാണിജ്യലോകത്ത് അതുല്യനായ വ്യക്തിയായി എം.എ യൂസഫലി മാറി. വിദഗ്ദ്ധമായും ആകർഷകമായും ലോകംമൊട്ടാകെ വ്യാപിച്ച ലുലുവിനെ നടത്തി കൊണ്ടുപോകുന്നത് പ്രവർത്തന രീതിയുടെ മികവാണെന്നും അദ്ദേഹം പ്രതികരിച്ചു.
ലുലു ഇന്ത്യ സി.ഇ.ഒ ആൻഡ് ഡയറക്ടർ എം.എ നിഷാദ്, ലുലു മാൾസ് ഇന്ത്യ ഡയറക്ടർ ഷിബു ഫിലിപ്പ്, ലുലു റീജണൽ ഡയറക്ടർ സാദിഖ് ഖാസിം, ലുലു ഇന്ത്യ മീഡിയ ഹെഡ് എൻ.ബി സ്വരാജ്, ലുലു ഇന്ത്യ ഹൈപ്പർമാർക്കറ്റ് ജനറൽ മാനേജർ സുധീഷ് നായർ, കൊച്ചി ലുലുമാൾ ജനറൽ മാനേജർ വിഷ്ണു ആർ നാഥ്, ലുലു ഹൈപ്പർ മാർക്കറ്റ് ജനറൽ മാനേജർ ജോ പൈനേടത്ത് , ലുലുമാൾ ഡെപ്യൂട്ടി ജനറൽ മാനേജർ ജയേഷ് നായർ, ഓപ്പറേഷൻസ് മാനേജർ ഒ.സുകുമാരൻ തുടങ്ങിയവർ സംബന്ധിച്ചു.