തമിഴ്നാട് സ്റ്റൈൽ ചിക്കൻ ബിരിയാണി എളുപ്പം തയ്യാറാക്കാം
‘രുചിക്കാലം’ വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
വേണ്ട ചേരുവകൾ
സവാള 4 എണ്ണം
ചിക്കൻ 500 ഗ്രാം
ഇഞ്ചി വെളുത്തുള്ളി പച്ചമുളക് ചതച്ചത് 2 ടേബിൾ സ്പൂൺ
മല്ലിയില, പുതിയിനയില, 1 ടേബിൾ സ്പൂൺ തൈരും കൂടി അരച്ച പേസ്റ്റ് 2 ടേബിൾ സ്പൂൺ
ബിരിയാണി അരി 2 കപ്പ്‌
വെള്ളം 4 കപ്പ്‌
നെയ്യ് 4 ടേബിൾ സ്പൂൺ
വെജിറ്റബിൾ ഓയിൽ 3 ടേബിൾ സ്പൂൺ
ഗ്രാമ്പു 4 എണ്ണം
പട്ട 2 എണ്ണം
ഏലക്ക 4
ബെ ലീഫ് 1
പെരുജീരക പൊടി 1 ടീസ്പൂൺ
മല്ലി പൊടി 2 ടേബിൾ സ്പൂൺ
മുളക് പൊടി 1 ടേബിൾ സ്പൂൺ
മഞ്ഞൾ പൊടി 1/4 ടീസ്പൂൺ
ബിരിയാണി മസാല പൊടി 3 ടേബിൾ സ്പൂൺ
ചെറുനാരങ്ങ നീര് 1 ടീസ്പൂൺ
പഞ്ചസാര 1/4 ടീസ്പൂൺ
ഉപ്പ് ആവിശ്യത്തിന്
തയ്യാറുക്കുന്ന വിധം
ഒരു പാനിൽ നെയ്യും ഓയിലും ഒഴിച്ചിട്ടു ചൂടാകുമ്പോൾ ഗ്രാമ്പു, പട്ട,ഏലക്കായ, ബെ ലീഫ് ചേർക്കുക. പിന്നീട് സവാളയും ഉപ്പും പഞ്ചസാരയും ചേർത്ത് നല്ലതുപോലെ വഴറ്റി എടുക്കുക. ശേഷം ഇഞ്ചി വെളുത്തുള്ളി പച്ചമുളക് ചേർത്ത് പച്ചമണം മാറുമ്പോൾ പൊടികളൊക്ക ചേർത്ത് നല്ലതുപോലെ മൂപ്പിക്കുക. പിന്നീട് ചിക്കനും ഒപ്പം മല്ലി പുതിയിന തൈര് പേസ്റ്റ് ചേർത്ത് മിക്സ്‌ ചെയ്തു ചെറുത്തീയിൽ 15 മിനിറ്റോളം അടച്ചു വച്ച് വേവിക്കുക. ശേഷം വെള്ളം ഒഴിച്ച് അരിക്ക് ആവിശ്യമായ ഉപ്പും ചേർത്ത് തിളപ്പിക്കുക. പിന്നീട് അരി ചേർത്ത് ചെറു നാരങ്ങ നീരും ഒഴിച്ച് വേവിക്കുക. പിന്നീട് മല്ലി ഇലയും പുതിയന ഇലയും വറുത്ത സവാളയും ചേർത്ത് അലങ്കരിക്കാം. സ്വാദിഷ്ട്ടമായ തമിഴ് നാട് സ്റ്റൈൽ ചിക്കൻ ബിരിയാണി തയ്യാർ.
ഉരുളക്കിഴങ്ങ് കൊണ്ട് കിടിലന്‍ ദം ബിരിയാണി തയ്യാറാക്കാം; റെസിപ്പി