ടാഗോർ ഹാളിൽ മതിയായ വെളിച്ചമില്ല; സംഘാടകരെ വിമർശിച്ച് മുഖമന്ത്രി, ‘പങ്കെടുക്കുന്നവരെ കാണുന്ന വെളിച്ചം വേണം’
തിരുവനന്തപുരം: ടാഗോർ ഹാളിൽ വെളിച്ചം കുറഞ്ഞതിൽ സംഘാടകരെ വിമർശിച്ച് മുഖമന്ത്രി പിണറായി വിജയൻ. പരിപാടിയിൽ പങ്കെടുക്കുന്നവരെ കാണുന്ന തരത്തിൽ വെളിച്ചം വേണം. സാധാരണ കലാപരിപാടികൾക്കാണ് മങ്ങിയ വെളിച്ചം ഏർപ്പെടുത്തുന്നത്.
ഹാളിൽ അൽപ്പം ചൂട് കൂടുമെന്നെ ഉള്ളുവെന്നും മുഖ്യമന്ത്രി പറഞ്ഞു. മാസങ്ങൾക്ക് മുമ്പ് വേദിയിൽ മൈക്ക് തകരാറിനെ മുഖ്യമന്ത്രി വിമർശിച്ചിരുന്നു. ഇത്തവണ മൈക്കിന് പകരം മുഖ്യമന്ത്രിയെ പ്രകോപ്പിച്ചത് ഹാളിലെ വെളിച്ച സംവിധാനമാണ്. തിരുവനന്തപുരം ടാഗോർ ഹാളിൽ നടന്ന ജിടെക് – സ്കിൽ ഫെസ്റ്റിവലിൻ്റെ ഉദ്ഘാടന പ്രസംഗത്തിന് ഒടുവിലായിരുന്നു വിമർശനം.