അബുദാബി യാസ് ഐലന്‍ഡില്‍ നിര്‍മ്മാണ സ്ഥലത്ത് തീപിടിത്തം
അബുദാബി: അബുദാബിയിലെ യാസ് ഐലന്‍ഡില്‍ ഒരു നിര്‍മ്മാണ സ്ഥലത്ത് തീപിടിത്തം. വെള്ളിയാഴ്ച ഉച്ച കഴിഞ്ഞാണ് തീപിടിത്തം ഉണ്ടായത്. അബുദാബി പൊലീസും സിവില്‍ ഡിഫന്‍സ് സംഘവും ഉടന്‍ സ്ഥലത്തെത്തി തീ നിയന്ത്രണവിധേയമാക്കി.
യാസ് വാട്ടര്‍ വേള്‍ഡിനോട് ചേര്‍ന്നുള്ള നിര്‍മാണ കേന്ദ്രത്തിലായിരുന്നു തീപിടിത്തമുണ്ടായതെന്ന് സിവില്‍ ഡിഫന്‍സ് അതോറിറ്റി സാമൂഹിക മാധ്യമത്തില്‍ കുറിച്ചു. തീപിടിത്തത്തില്‍ ആര്‍ക്കും പരിക്കേറ്റിട്ടില്ല. വൈകുന്നേരം വൈകീട്ട് 4.20ഓടെ തീ നിയന്ത്രണവിധേയമാക്കിയതായി അതോറിറ്റി വ്യക്തമാക്കി. എന്നാൽ തീപിടിത്തത്തിന്‍റെ കാരണം വ്യക്തമല്ല.
Read Also – കുവൈത്തിലെ ഷുവൈഖ് ഇൻഡസ്ട്രിയൽ ഏരിയയിൽ തീപിടിത്തം