Mutual Fund Guide: മ്യൂച്വല്‍ ഫണ്ടില്‍ എങ്ങനെ നിക്ഷേപിക്കാം, എന്തൊക്കെ ശ്രദ്ധിക്കാം, അറിയേണ്ടതെല്ലാം
മ്യൂച്വല്‍ ഫണ്ടുകളില്‍ നിക്ഷേപം നടത്തുമ്പോള്‍, അതുമായി ബന്ധപ്പെട്ട പല കാര്യങ്ങളെക്കുറിച്ചും നല്ല ധാരണയുണ്ടായിരിക്കണം. നിക്ഷേപം നടത്തുമ്പോള്‍ മ്യൂച്വല്‍ ഫണ്ട് റിസ്‌കോമീറ്റര്‍ ഒരു പ്രധാനപ്പെട്ട ടൂളാണ്. സാമ്പത്തിക ഭാവിയെ സ്വാധീനിക്കുന്ന 6 പ്രധാന കാര്യങ്ങള്‍ മനസ്സിലാക്കേണ്ടത് അത്യാവശ്യമാണ്.
നിങ്ങളുടെ നഷ്ട സാധ്യതകള്‍ മനസ്സിലാക്കുക, വിപണി സാഹചര്യങ്ങള്‍ മനസ്സിലാക്കുക എന്നിവയാണ് അതില്‍ പ്രധാനം. നിക്ഷേപകര്‍ക്ക് ഈ വിവരങ്ങളെ അടിസ്ഥാനമാക്കി തീരുമാനമെടുക്കാന്‍ ഈ ഗൈഡ് സഹായിക്കുന്നു. മ്യൂച്വല്‍ ഫണ്ട് റിസ്‌കോമീറ്റര്‍ ഒരു വഴികാട്ടിയായി പ്രവര്‍ത്തിക്കുന്നു. ഓരോ മ്യൂച്വല്‍ ഫണ്ടിനുമുള്ള അപകടസാധ്യതകളെക്കുറിച്ച് ഇത് സൂചന നല്‍കുന്നു. അതുപോലെ ഓരോരുത്തരുടെയും താല്‍പര്യങ്ങള്‍ക്കനുസരിച്ച് നിക്ഷേപം തിരഞ്ഞെടുക്കാനും ഇത് സഹായിക്കുന്നു.
മ്യൂച്വല്‍ ഫണ്ടുകളില്‍ നിക്ഷേപം നടത്തുന്നതിന് മുന്‍പ് ഓര്‍മ്മയില്‍ വെക്കേണ്ട 6 പ്രധാന കാര്യങ്ങള്‍ എന്തൊക്കെയാണെന്ന് നോക്കാം.
ലക്ഷ്യങ്ങള്‍ തിരിച്ചറിയുക
മ്യൂച്വല്‍ ഫണ്ടിലേക്ക് കടക്കുന്നതിന് മുന്‍പ് നിങ്ങളുടെ സാമ്പത്തിക ലക്ഷ്യങ്ങള്‍ എന്തൊക്കെയാണെന്ന് തീരുമാനിക്കേണ്ടത് അത്യാവശ്യമാണ്. നിങ്ങളുടെ ലക്ഷ്യങ്ങള്‍ ഒരു വഴികാട്ടിയായി നിക്ഷേപ യാത്രയില്‍ ഉണ്ടാകും. ഒരു വീട് വാങ്ങാനോ, കുട്ടികളുടെ വിദ്യാഭ്യാസം, പെന്‍ഷന്‍ അല്ലെങ്കില്‍ മറ്റ് സാമ്പത്തിക കാര്യങ്ങള്‍, എന്തിനു വേണ്ടിയായാലും നിങ്ങള്‍ക്ക് അക്കാര്യത്തില്‍ ബോധ്യമുണ്ടായിരിക്കണം.
നിങ്ങളുടെ ലക്ഷ്യങ്ങള്‍ക്കനുസരിച്ചാണ് നിക്ഷേപത്തിന്റെ സമയപരിധി നിര്‍ണ്ണയിക്കുന്നത്. സാധാരണയായി ദീര്‍ഘകാല ലക്ഷ്യങ്ങളിലുള്ള നിക്ഷേപങ്ങള്‍ക്ക് വിപണിയിലെ അപകടസാധ്യതകളില്‍ നിന്ന് കൂടുതല്‍ തിരിച്ചുവരാന്‍ കഴിയും. അതേസമയം, കുറഞ്ഞ കാലയളവിലുള്ള ലക്ഷ്യങ്ങള്‍ക്ക് കൂടുതല്‍ ശ്രദ്ധയും വേഗത്തില്‍ പണം കിട്ടുന്ന നിക്ഷേപങ്ങളും തിരഞ്ഞെടുക്കുന്നതാണ് നല്ലത്.
നിക്ഷേപ ഓപ്ഷനുകള്‍ തിരഞ്ഞെടുക്കുക:
നിങ്ങളുടെ സാമ്പത്തിക ലക്ഷ്യങ്ങള്‍ തീരുമാനിച്ചു കഴിഞ്ഞാല്‍ അടുത്ത പടി ഈ ലക്ഷ്യങ്ങളുമായി ചേര്‍ന്ന് പോകുന്ന ശരിയായ നിക്ഷേപ മാര്‍ഗ്ഗങ്ങള്‍ തിരഞ്ഞെടുക്കുക എന്നതാണ്. കുറഞ്ഞ കാലയളവിലേക്കുള്ള ലക്ഷ്യങ്ങള്‍ക്ക് (ഒന്ന് മുതല്‍ മൂന്ന് വര്‍ഷം വരെ) കുറഞ്ഞ കാലയളവിലുള്ള ഡെറ്റ് ഫണ്ടുകളില്‍ നിക്ഷേപം പരിഗണിക്കാവുന്നതാണ്. ഇക്വിറ്റി നിക്ഷേപങ്ങള്‍ ദീര്‍ഘകാല ലക്ഷ്യങ്ങള്‍ക്ക് കൂടുതല്‍ അനുയോജ്യമാണ്. ഏകദേശം അഞ്ച് മുതല്‍ ഏഴ് വര്‍ഷമോ അതില്‍ കൂടുതലോ കാലയളവിലേക്ക് നിക്ഷേപം നടത്താന്‍ സാധിക്കും. എന്നാല്‍ ഇക്വിറ്റി നിക്ഷേപങ്ങള്‍ക്ക് കുറഞ്ഞ കാലയളവില്‍ ചാഞ്ചാട്ടം ഉണ്ടാകാന്‍ സാധ്യതയുണ്ട്.
കുറഞ്ഞ നിക്ഷേപം:
മ്യൂച്വല്‍ ഫണ്ടുകളിലെ ഇക്വിറ്റി നിക്ഷേപങ്ങളില്‍ എത്രയാണ് കുറഞ്ഞ നിക്ഷേപം നടത്താന്‍ കഴിയുക എന്നതിനെക്കുറിച്ച് നോക്കാം.
Nifty 50 TRI: 4 വര്‍ഷം
Nifty Midcap 150 TRI: 4 വര്‍ഷം
Nifty Smallcap 250 TRI: 6 വര്‍ഷം
ഏത് ഇക്വിറ്റി ഫണ്ടുകളാണ് തിരഞ്ഞെടുക്കേണ്ടതെന്ന് നിങ്ങള്‍ക്ക് ഉറപ്പില്ലെങ്കില്‍ ഇന്‍ഡെക്‌സ് ഫണ്ടുകളില്‍ നിക്ഷേപം ചെയ്യുന്നത് പരിഗണിക്കാവുന്നതാണ്. ഈ ഫണ്ടുകള്‍ അവയുടെ അടിസ്ഥാന സൂചികയുടെ പ്രകടനം മെച്ചപ്പെടുത്താന്‍ ലക്ഷ്യമിടുന്നു. അതുപോലെ മികച്ച വരുമാനം നേടാനുള്ള അവസരവും നല്‍കുന്നു.
പല വിഭാഗങ്ങളില്‍ നിക്ഷേപം നടത്തുക:
വൈവിധ്യവല്‍ക്കരണം മികച്ച നിക്ഷേപ തന്ത്രമാണ്. നിങ്ങളുടെ ലക്ഷ്യങ്ങളും, ആസ്തികളും കണ്ടെത്തി കഴിഞ്ഞാല്‍ അടുത്തതായി ചെയ്യേണ്ടത് ഈ ആസ്തികളില്‍ നിങ്ങളുടെ നിക്ഷേപം വൈവിധ്യവല്‍ക്കരിക്കുക എന്നതാണ്. ഉദാഹരണത്തിന് നിങ്ങളുടെ കുട്ടിയുടെ ഉന്നത വിദ്യാഭ്യാസത്തിന് വേണ്ടി 10-12 വര്‍ഷത്തേക്ക് പണം സ്വരൂപിക്കാന്‍ നിങ്ങള്‍ ആഗ്രഹിക്കുന്നുണ്ടെങ്കില്‍ ഇക്വിറ്റി, സ്വര്‍ണ്ണം എന്നിവ ഉള്‍പ്പെടുന്ന രീതിയില്‍ നിക്ഷേപം നടത്താന്‍ ശ്രമിക്കുക. ഇങ്ങനെ ചെയ്യുന്നത് നിങ്ങളുടെ പോര്‍ട്ട്‌ഫോളിയോയുടെ സ്ഥിരത നിലനിര്‍ത്തുകയും മികച്ച വരുമാനം നേടാന്‍ സഹായിക്കുകയും ചെയ്യും.
നിങ്ങളുടെ ഇഷ്ടത്തിനനുസരിച്ച് ഇക്വിറ്റിയില്‍ 60%, ഡെറ്റില്‍ 30%, സ്വര്‍ണ്ണത്തില്‍ 10% എന്നിങ്ങനെ നിക്ഷേപം നടത്താവുന്നതാണ്. ഇക്വിറ്റിയില്‍ തന്നെ ലാര്‍ജ് ക്യാപ്, മിഡ് ക്യാപ്, സ്‌മോള്‍ ക്യാപ് എന്നിവ പരിഗണിച്ച് കൂടുതല്‍ വൈവിധ്യം വരുത്താവുന്നതാണ്.
SIP രീതിയില്‍ നിക്ഷേപം നടത്തുക:
SIP-കളില്‍ നിക്ഷേപം നടത്തുന്നത് നിങ്ങളുടെ മ്യൂച്വല്‍ ഫണ്ട് യാത്രയിലെ ഒരു പ്രധാനപ്പെട്ട കാര്യമാണ്. SIP-കള്‍ ചിട്ടയായ നിക്ഷേപം നല്‍കുന്നു. അതുപോലെ വിപണിയിലെ സ്ഥിരത ഇല്ലായ്മ മറികടക്കാന്‍ സഹായിക്കുന്നു. ചെറിയ SIP-കളില്‍ തുടങ്ങി ആത്മവിശ്വാസം നേടുന്നതിനനുസരിച്ച് നിങ്ങളുടെ നിക്ഷേപം വര്‍ദ്ധിപ്പിക്കുക. ഇത് പണം ലാഭിക്കാന്‍ സഹായിക്കുന്നു.
SIP-കള്‍ ഒരു ചിട്ട നല്‍കുക മാത്രമല്ല, കാലക്രമേണ നിങ്ങളുടെ നിക്ഷേപം വ്യാപിപ്പിക്കുകയും അതുവഴി നിങ്ങളുടെ വരുമാനത്തിലുള്ള ചാഞ്ചാട്ടം കുറയ്ക്കുകയും ചെയ്യുന്നു. ദീര്‍ഘകാല ഇക്വിറ്റി നിക്ഷേപങ്ങള്‍ക്ക് ഈ രീതി കൂടുതല്‍ അനുയോജ്യമാണ്.
തുടര്‍ച്ചയായി വിലയിരുത്തുകയും പുനഃക്രമീകരിക്കുകയും ചെയ്യുക:
ഒരു മ്യൂച്വല്‍ ഫണ്ട് പോര്‍ട്ട്‌ഫോളിയോ നിലനിര്‍ത്താന്‍ കൃത്യമായ ഇടവേളകളില്‍ വിലയിരുത്തുകയും ആവശ്യമുള്ള മാറ്റങ്ങള്‍ വരുത്തുകയും ചെയ്യേണ്ടത് അത്യാവശ്യമാണ്. ഇത് എപ്പോള്‍ ചെയ്യണം എന്നുള്ളത് നിങ്ങളുടെ ഇഷ്ടത്തിനനുസരിച്ച് തീരുമാനിക്കാം. എന്നാല്‍ വര്‍ഷത്തില്‍ ഒരിക്കലെങ്കിലും ഇങ്ങനെ ചെയ്യുന്നത് നല്ലതാണ്.
നിങ്ങളുടെ ആസ്തി വിഹിതം വീണ്ടും പരിശോധിക്കുക. വിപണിയിലെ സ്ഥിരതയില്ലാത്ത കാരണങ്ങള്‍ നിങ്ങളുടെ പോര്‍ട്ട്‌ഫോളിയോയില്‍ മാറ്റങ്ങള്‍ വരുത്താന്‍ സാധ്യതയുണ്ട്. അതിനാല്‍ നിക്ഷേപം നിങ്ങള്‍ ആഗ്രഹിക്കുന്ന രീതിയില്‍ ക്രമീകരിക്കുക.
കൂടാതെ നിങ്ങളുടെ പോര്‍ട്ട്‌ഫോളിയോയിലെ ഫണ്ടുകളുടെ പ്രകടനം വിലയിരുത്തുക. ഏതെങ്കിലും ഫണ്ട് രണ്ട് വര്‍ഷമോ അതില്‍ കൂടുതലോ നല്ല രീതിയില്‍ പ്രവര്‍ത്തിക്കുന്നില്ലെങ്കില്‍ അതിനെക്കാള്‍ മികച്ച ഫണ്ടിലേക്ക് മാറുന്നത് പരിഗണിക്കാവുന്നതാണ്.
ദീര്‍ഘകാല കാത്തിരിപ്പ്
മ്യൂച്വല്‍ ഫണ്ടുകളില്‍ നിക്ഷേപം നടത്താന്‍ ഒരുപാട് ക്ഷമയും ദീര്‍ഘവീക്ഷണവും ആവശ്യമാണ്. വിപണിയില്‍ എന്ത് മാറ്റങ്ങള്‍ വന്നാലും നിങ്ങളുടെ പ്ലാനില്‍ ഉറച്ചുനില്‍ക്കുക. നിങ്ങളുടെ സാമ്പത്തിക ലക്ഷ്യങ്ങള്‍ നേടാന്‍ ഇത് അത്യാവശ്യമാണ്. SIP പേയ്മെന്റുകള്‍ ഒരിക്കലും മുടക്കരുത്. കാരണം സ്ഥിരമായി നിക്ഷേപം നടത്തിയാല്‍ മാത്രമേ കാലക്രമേണ വലിയൊരു തുകയായി അത് മാറാന്‍ സഹായിക്കു.
ഓഹരി വിപണികള്‍ ക്ഷമയോടെ കാത്തിരിക്കുന്ന നിക്ഷേപകരെ സഹായിക്കുന്നതിനാല്‍ ദീര്‍ഘകാല നിക്ഷേപം അത്യാവശ്യമാണ്. കുറഞ്ഞ കാലയളവിലെ കാര്യങ്ങള്‍ പ്രവചിക്കാന്‍ സാധിക്കാത്തതാണ്. എങ്കിലും ചരിത്രപരമായ വിവരങ്ങള്‍ അനുസരിച്ച് ദീര്‍ഘകാലത്തേക്ക് ഉയര്‍ന്ന വരുമാനം നേടാന്‍ സാധ്യതയുണ്ട്.
കൂടാതെ നിങ്ങളുടെ മ്യൂച്വല്‍ ഫണ്ട് പോര്‍ട്ട്‌ഫോളിയോ തുടര്‍ച്ചയായി വിലയിരുത്തുകയും ആവശ്യമായ മാറ്റങ്ങള്‍ വരുത്തുകയും ചെയ്യുന്നത് വളര്‍ച്ചയ്ക്ക് അത്യാവശ്യമാണ്. ഏതെങ്കിലും പ്ലാന്‍ മോശമായി പ്രവര്‍ത്തിക്കുകയാണെങ്കില്‍ കൂടുതല്‍ സാധ്യതയുള്ള ഒരെണ്ണം തിരഞ്ഞെടുക്കാവുന്നതാണ്.
പരിഗണിക്കേണ്ട പ്രധാന ഘടകങ്ങള്‍:
നിങ്ങള്‍ മ്യൂച്വല്‍ ഫണ്ട് പോര്‍ട്ട്‌ഫോളിയോ ഉണ്ടാക്കാന്‍ തുടങ്ങുമ്പോള്‍ താഴെ പറയുന്ന കാര്യങ്ങള്‍ ഓര്‍മ്മയില്‍ വെക്കുക:
നിക്ഷേപ ലക്ഷ്യങ്ങള്‍: ഏറ്റവും അനുയോജ്യമായ ഫണ്ടുകള്‍ തിരഞ്ഞെടുക്കാന്‍ നിങ്ങളുടെ സാമ്പത്തിക ലക്ഷ്യങ്ങള്‍ വ്യക്തമായി നിര്‍വ്വചിക്കുക.
വിപണിയിലെ അപകടസാധ്യത: നിങ്ങള്‍ക്ക് എത്രത്തോളം നഷ്ടം സഹിക്കാന്‍ കഴിയും എന്നതിനനുസരിച്ച് മികച്ച ആസ്തി വിഹിതം തിരഞ്ഞെടുക്കുക.
സാമ്പത്തിക ചിലവുകള്‍: ഉയര്‍ന്ന ചിലവുകള്‍ നിങ്ങളുടെ വരുമാനത്തെ ബാധിക്കും.
സാമ്പത്തിക പ്രകടനം: ഒരു ഫണ്ടിന്റെ മുന്‍കാല പ്രകടനം, സ്ഥിരത, ചാഞ്ചാട്ടം എന്നിവ വിശകലനം ചെയ്യുക.
കൂടുതല്‍ ശ്രദ്ധിക്കേണ്ട കാര്യങ്ങള്‍
അടിയന്തര ഫണ്ട്: മ്യൂച്വല്‍ ഫണ്ടുകളില്‍ നിക്ഷേപം തുടങ്ങുന്നതിന് മുന്‍പ് അപ്രതീക്ഷിതമായി വരുന്ന ചിലവുകള്‍ക്ക് വേണ്ടി ഒരു ഫണ്ട് ഉണ്ടാക്കുക. ഇത് ഒരു സാമ്പത്തിക സുരക്ഷയായി കണക്കാക്കാം. അത്യാവശ്യ സമയങ്ങളില്‍ ഇത് നിങ്ങളെ സഹായിക്കും.
നികുതി ആസൂത്രണം: നിക്ഷേപം നടത്തുമ്പോള്‍ നികുതി ഇളവ് നേടാന്‍ ആഗ്രഹമുണ്ടെങ്കില്‍ ഇക്വിറ്റി ലിങ്ക്ഡ് സേവിംഗ് സ്‌കീമുകള്‍ (ELSS) പോലുള്ള നികുതി ലാഭിക്കുന്ന മ്യൂച്വല്‍ ഫണ്ടുകളെക്കുറിച്ച് അറിയുക.
പ്രൊഫഷണല്‍ ഗൈഡന്‍സ്: നിങ്ങള്‍ക്ക് നിക്ഷേപം നടത്തുന്നതിനെക്കുറിച്ച് ഉറപ്പില്ലെങ്കില്‍ സാമ്പത്തിക കാര്യങ്ങളില്‍ ഉപദേശം നല്‍കുന്ന ആളുകളുമായി ബന്ധപ്പെടുക. നിങ്ങളുടെ ആവശ്യങ്ങള്‍ അറിഞ്ഞ് അവര്‍ ശരിയായ ഉപദേശം നല്‍കും.
വൈവിധ്യവല്‍ക്കരണം: വൈവിധ്യവല്‍ക്കരണം കൂടുതല്‍ ശ്രദ്ധിച്ച് കൈകാര്യം ചെയ്യേണ്ട ഒന്നാണ്. ഒരുപാട് ഫണ്ടുകളില്‍ പണം നിക്ഷേപിക്കുന്നത് കൂടുതല്‍ ബുദ്ധിമുട്ടുകള്‍ ഉണ്ടാക്കുകയും വരുമാനം കുറയ്ക്കുകയും ചെയ്യും. അതിനാല്‍ വൈവിധ്യവല്‍ക്കരണത്തിലും ലാളിത്യത്തിലും ഒരുപോലെ ശ്രദ്ധിക്കുക.
ക്ഷമ: മ്യൂച്വല്‍ ഫണ്ട് നിക്ഷേപങ്ങള്‍ക്ക് ഉടനടി ഫലം ലഭിക്കണമെന്നില്ല. ക്ഷമയോടെ കാത്തിരിക്കുക. അതുപോലെ ദീര്‍ഘകാല ലക്ഷ്യങ്ങളില്‍ ഉറച്ചുനില്‍ക്കുക. വിപണിയിലെ മാറ്റങ്ങള്‍ക്കനുസരിച്ച് പെട്ടെന്ന് തീരുമാനങ്ങള്‍ എടുക്കാതിരിക്കുക.
നിക്ഷേപം, സാമ്പത്തിക ആസൂത്രണം എന്നിവയെല്ലാം തുടര്‍ച്ചയായി ചെയ്യേണ്ട കാര്യങ്ങളാണ്. അതിനാല്‍ നിങ്ങളുടെ പോര്‍ട്ട്‌ഫോളിയോ ലക്ഷ്യത്തിനനുസരിച്ചാണോ മുന്നോട്ട് പോവുന്നതെന്ന് കൃത്യമായ ഇടവേളകളില്‍ വിലയിരുത്തുക.
ഒരു മ്യൂച്വല്‍ ഫണ്ട് പോര്‍ട്ട്‌ഫോളിയോ ഉണ്ടാക്കുക എന്നത് ശ്രദ്ധയോടെയും ചിട്ടയോടെയും ദീര്‍ഘകാലം ലക്ഷ്യമിട്ടും ചെയ്യേണ്ട ഒരു കാര്യമാണ്. ഈ കാര്യങ്ങള്‍ പിന്തുടര്‍ന്ന് മുന്നോട്ട് പോയാല്‍ നിങ്ങള്‍ക്ക് മ്യൂച്വല്‍ ഫണ്ടുകളെക്കുറിച്ച് നല്ലരീതിയില്‍ മനസ്സിലാക്കാനും സാമ്പത്തികപരമായ സ്വപ്നങ്ങള്‍ നേടാനും സാധിക്കും.