വലിയ കുടുംബത്തിന് പുതിയ കാർ തേടുകയാണോ? വരുന്നൂ 4 കിടിലൻ എംപിവികൾ!

നിങ്ങളുടെ വലിയ കുടുംബത്തിന് വേണ്ടി ഒരു പുതിയ കാർ വാങ്ങാൻ പദ്ധതിയിടുകയാണോ? എങ്കിൽ വരും മാസങ്ങളിൽ, മുൻനിര കാർ നിർമ്മാതാക്കൾ ഇന്ത്യൻ വിപണിയിൽ നിരവധി പുതിയ എംപിവി മോഡലുകൾ പുറത്തിറക്കാൻ തയ്യാറെടുക്കുകയാണ്. ജനപ്രിയ എംപിവിയുടെ ഫെയ്‌സ്‌ലിഫ്റ്റ് ചെയ്ത മോഡലും ഇതിൽ ഉൾപ്പെടുന്നു. വരാനിരിക്കുന്ന എംപിവിക്ക് 6 സീറ്റർ, 7 സീറ്റർ ലേഔട്ട് ഉണ്ടായിരിക്കും. വരാനിരിക്കുന്ന നാല് എംപിവികളെക്കുറിച്ച് വിശദമായി അറിയാം.

കിയ കാരൻസ് ഫെയ്‌സ്‌ലിഫ്റ്റ്
കിയ ഇന്ത്യ അടുത്ത മാസം, അതായത് 2025 ഏപ്രിലിൽ, ആഭ്യന്തര വിപണിയിൽ കാരൻസ് എംപിവിയുടെ ഫെയ്‌സ്‌ലിഫ്റ്റ് ചെയ്ത പതിപ്പ് പുറത്തിറക്കും. മാരുതി എർട്ടിഗ, XL6 എന്നിവ പോലെ പഴയ മോഡലിനൊപ്പം ഇത് വിൽക്കുമെന്ന് വിവിധ റിപ്പോർട്ടുകൾ സൂചിപ്പിക്കുന്നു. റോഡുകളിലെ പരീക്ഷണ വേളയിൽ കാരെൻസിന്റെ ഫെയ്‌സ്‌ലിഫ്റ്റ് നിരവധി തവണ ക്യാമറകളിൽ പതിഞ്ഞിട്ടുണ്ട്. 

എംജി എം9 എംപിവി
2025 ലെ ഇന്ത്യ മൊബിലിറ്റി ഗ്ലോബൽ എക്സ്പോയിലാണ് എംജി ഇന്ത്യയിലെ ആദ്യത്തെ ഇലക്ട്രിക് മൂന്ന്-വരി എംപിവി അനാച്ഛാദനം ചെയ്തത്. പുതിയ ആഡംബര ഡീലർഷിപ്പ് ശൃംഖലയായ എംജി സെലക്ട് വഴിയായിരിക്കും ബ്രാൻഡ് ഇത് വിൽക്കുക. 51,000 രൂപ ടോക്കൺ തുക അടച്ച് MG M9 ന്റെ ബുക്കിംഗ് ഇതിനകം ആരംഭിച്ചു കഴിഞ്ഞു. 3-സോൺ ക്ലൈമറ്റ് കൺട്രോൾ, പനോരമിക് സൺറൂഫ്, ലെതർ സീറ്റുകൾ, ആംബിയന്റ് ലൈറ്റിംഗ്, ഫ്രണ്ട്-ഓപ്പണിംഗ് സ്കൈലൈറ്റ്, ഡ്യുവൽ-ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം തുടങ്ങിയ സവിശേഷതകളോടെയാണ് എംപിവി വരുന്നത്.

പുതുതലമുറ റെനോ ട്രൈബർ
ഈ വർഷം അവസാനത്തോടെ ട്രൈബറിന് അതിന്റെ ആദ്യത്തെ പ്രധാന അപ്‌ഡേറ്റ് ലഭിക്കും. അടുത്തിടെയാണ് ഫെയ്‌സ്‌ലിഫ്റ്റ് ചെയ്ത മോഡൽ ആദ്യമായി പരീക്ഷണത്തിനിടെ കണ്ടത്. ട്രൈബർ ഫെയ്‌സ്‌ലിഫ്റ്റിൽ ഉപഭോക്താക്കൾക്ക് പുതിയ സവിശേഷതകൾ കാണാൻ കഴിയും. അതേസമയം, പവർട്രെയിൻ എന്ന നിലയിൽ, നിലവിലുള്ള 1.0 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ തന്നെയായിരിക്കും എംപിവിയിൽ നൽകുക.