ഇന്ത്യയിലെ മികച്ച ഹൈബ്രിഡ് കാറുകൾ: വില, മൈലേജ്, മറ്റു വിവരങ്ങൾ

ഇന്ത്യയിലെ ഹൈബ്രിഡ് വാഹന വിൽപ്പന 7 ശതമാനം വർദ്ധിച്ചു. 2024 ൽ റീട്ടെയിൽ കണക്കുകൾ 3.55 ലക്ഷം യൂണിറ്റുകൾ കവിഞ്ഞു. മാരുതി സുസുക്കി, ഹ്യുണ്ടായ്, കിയ, മഹീന്ദ്ര എന്നിവയുൾപ്പെടെ മുൻനിര കമ്പനികളിൽ നിന്നുള്ള നിരവധി പുതിയ മോഡലുകളുടെ വരവോടെ വിൽപ്പന കണക്കുകൾ ഈ വർഷം കൂടുതൽ വളരും എന്നാണ് പ്രതീക്ഷിക്കുന്നത്. അതേസമയം ഉയർന്ന നികുതി, സർക്കാർ നിയന്ത്രണങ്ങൾ, വരാനിരിക്കുന്ന കർശനമായ എമിഷൻ മാനദണ്ഡങ്ങൾ എന്നിവ കാരണം ഡീസൽ കാറുകൾക്ക് വിപണി അതിവേഗം നഷ്‍ടപ്പെടുന്നു. ഡീസൽ വാഹനങ്ങൾക്ക് പകരമായി ഹൈബ്രിഡ് കാറുകൾ ഉയർന്നുവരുന്നു. ഡീസലിൽ നിന്ന് ഹൈബ്രിഡിലേക്ക് മാറാൻ നിങ്ങൾ പദ്ധതിയിടുകയാണെങ്കിൽ, മികച്ച ഇന്ധനക്ഷമതയും പ്രകടനവും വാഗ്ദാനം ചെയ്യുന്ന ഇന്ത്യയിലെ മികച്ച നാല് ഹൈബ്രിഡ് കാറുകൾ ഇതാ.

ഹോണ്ട സിറ്റി ഇ:എച്ച്ഇവി
വില 19 ലക്ഷം രൂപ മുതൽ 20.75 ലക്ഷം രൂപ വരെ
ഇന്ധനക്ഷമത 26.5 കി.മീ.ലി.
എഞ്ചിൻ 1.5 ലിറ്റർ ആറ്റ്കിൻസൺ സൈക്കിൾ പെട്രോൾ + 2 ഇ-മോട്ടോർ
പവർ 126 ബിഎച്ച്പി
ടോർക്ക് 253എൻഎം
ഗിയർബോക്സ് ഇസിവിടി
അഞ്ചാം തലമുറ സിറ്റിയെ അടിസ്ഥാനമാക്കിയുള്ള ഹോണ്ട സിറ്റി e:HEV , രണ്ട് ഇലക്ട്രിക് മോട്ടോറുകളുമായി ഘടിപ്പിച്ചിരിക്കുന്ന അറ്റ്കിൻസൺ സൈക്കിൾ 1.5L, 4-സിലിണ്ടർ പെട്രോൾ എഞ്ചിനുമായാണ് വരുന്നത്.  ഒര് ഇലക്ട്രിക്ക് മോട്ടോർ ഇലക്ട്രിക് ജനറേറ്ററായും മറ്റൊന്ന് പ്രൊപ്പൽഷനായും പ്രവർത്തിക്കുന്നു. ശക്തമായ ഹൈബ്രിഡ് സിറ്റി ലിറ്ററിന് 26.5 കിമി ഇന്ധനക്ഷമത ചെയ്യുന്നുവെന്ന് ഹോണ്ട അവകാശപ്പെടുന്നു. പവർ, ടോർക്ക് കണക്കുകൾ യഥാക്രമം 126bhp ഉം 253Nm ഉം ആണ്. ബൂട്ടിൽ സ്ഥാപിച്ചിരിക്കുന്ന ബാറ്ററി പായ്ക്ക് ഉള്ള ഇസിവിടി ഗിയർബോക്സാണ് ഇതിനുള്ളത്.

മാരുതി ഗ്രാൻഡ് വിറ്റാര/ടൊയോട്ട ഹൈറൈഡർ
വില 18.58 രൂപ – 20.09 ലക്ഷം / 19.45 രൂപ – 23.31 ലക്ഷം
ഇന്ധനക്ഷമത ലിറ്ററിന് 27.97 കിലോമീറ്റർ
എഞ്ചിൻ 1.5 ലിറ്റർ ആറ്റ്കിൻസൺ സൈക്കിൾ പെട്രോൾ + ഇ-മോട്ടോർ
പവർ 115 ബിഎച്ച്പി
ടോർക്ക് 122എൻഎം
ഗിയർബോക്സ് ഇസിവിടി
മാരുതി ഗ്രാൻഡ് വിറ്റാരയും ടൊയോട്ടയിൽ നിന്നുള്ള (ഹൈറൈഡർ) പുനർനിർമ്മിച്ച പതിപ്പും ഇന്ത്യയിൽ ലഭ്യമായ താങ്ങാനാവുന്ന വിലയിൽ ലഭിക്കുന്ന ഹൈബ്രിഡ് കാറുകളിൽ ഒന്നാണ്. രണ്ട് മോഡലുകളിലും 92bhp, 1.5L, 3-സിലിണ്ടർ അറ്റ്കിൻസൺ സൈക്കിൾ പെട്രോൾ എഞ്ചിൻ ഇലക്ട്രിക് മോട്ടോറുമായി ജോടിയാക്കിയിരിക്കുന്നു, ഇത് 79bhp കരുത്തും 141Nm ടോർക്കും ഉത്പാദിപ്പിക്കുന്നു. സംയോജിത പവർ ഔട്ട്പുട്ട് 115bhp ആണ്. ഈ സജ്ജീകരണം ഒരു ഇ-സിവിടി ഗിയർബോക്സിൽ ലഭ്യമാണ്. ഇത് 27.97kmpl എന്ന അവകാശവാദ ഇന്ധനക്ഷമത വാഗ്ദാനം ചെയ്യുന്നു.  

ടൊയോട്ട കാമ്രി
വില 48 ലക്ഷം രൂപ
ഇന്ധനക്ഷമത 25.49 കി.മീ.എൽ.
എഞ്ചിൻ 2.5 ലിറ്റർ ആറ്റ്കിൻസൺ സൈക്കിൾ പെട്രോൾ + ഇ-മോട്ടോർ
പവർ 230 ബിഎച്ച്പി
ടോർക്ക് 221എൻഎം
ഗിയർബോക്സ് ഇസിവിടി
ടൊയോട്ടയുടെ അഞ്ചാം തലമുറ ഹൈബ്രിഡ് സിസ്റ്റവുമായി (THS 5) ജോടിയാക്കിയ 2.5 ലിറ്റർ പെട്രോൾ എഞ്ചിനാണ് പുതിയ ടൊയോട്ട കാമ്രിയിലുള്ളത് . ഈ കോൺഫിഗറേഷൻ പരമാവധി 230 bhp കരുത്തും 221 Nm ടോർക്കും ഉത്പാദിപ്പിക്കുന്നു, കൂടാതെ ARAI- സാക്ഷ്യപ്പെടുത്തിയ 25.49 kmpl മൈലേജും നൽകുന്നു. മറ്റ് ഹൈബ്രിഡ് കാറുകളെപ്പോലെ, പുതിയ കാമ്രിയിലും ഇ-സിവിടി ഗിയർബോക്സ് സജ്ജീകരിച്ചിരിക്കുന്നു. ഈ ശക്തമായ ഹൈബ്രിഡ് സെഡാൻ എലഗൻസ്  എന്ന ഒരൊറ്റ വേരിയന്റിൽ ലഭ്യമാണ്. 48 ലക്ഷം രൂപയാണ് എക്സ്-ഷോറൂം വില.

ടൊയോട്ട ഇന്നോവ ഹൈക്രോസ്/മാരുതി ഇൻവിക്റ്റോ
വില 26.31 രൂപ – 31.34 ലക്ഷം / 25.51 രൂപ – 29.22 ലക്ഷം
ഇന്ധനക്ഷമത 23.24 കി.മീ.എൽ.
എഞ്ചിൻ 2.0 ലിറ്റർ ആറ്റ്കിൻസൺ സൈക്കിൾ പെട്രോൾ + ഇ-മോട്ടോർ
പവർ 184 ബിഎച്ച്പി
ടോർക്ക് 188 എൻഎം
ഗിയർബോക്സ് ഇസിവിടി
ടൊയോട്ട ഇന്നോവ ഹൈക്രോസിന്റെയും മാരുതി ഇൻവിക്ടോ എംപിവികളുടെയും ശക്തമായ ഹൈബ്രിഡ് പതിപ്പുകൾ അറ്റ്കിൻസൺ അല്ലെങ്കിൽ മില്ലർ സൈക്കിളിന്റെ പ്രയോജനം ലഭിച്ച 2.0L, 4-സിലിണ്ടർ പെട്രോൾ എഞ്ചിനാണ് ഉപയോഗിക്കുന്നത്. ഇത് സംയോജിതമായി 184bhp പവറും 23.24kmpl മൈലേജും നൽകുന്നു. ഒരു ഇ-ഡ്രൈവ് ഗിയർബോക്സാണ് ട്രാൻസ്‍മിഷൻ ചുമതലകൾ നിർവ്വഹിക്കുന്നത്. ഈ ശക്തമായ ഹൈബ്രിഡ് സജ്ജീകരണം ഇന്നോവ ഹൈക്രോസിന്റെ ആറ് വകഭേദങ്ങളിലും ഇൻവിക്ടോയുടെ മൂന്ന് വകഭേദങ്ങളിലും ലഭ്യമാണ്.