റമദാൻ മത്സരങ്ങളിൽ വിജയിച്ചിട്ടുണ്ടെന്ന് അറിയിക്കും; പിന്നാലെ വൻ തട്ടിപ്പ്, മുന്നറിയിപ്പുമായി അബുദാബി പൊലീസ്

അബുദാബി: റമദാനോട് അനുബന്ധിച്ച് മത്സരത്തില്‍ സമ്മാനം നേടിയെന്ന് അറിയിച്ച് പണം തട്ടിപ്പിന് ശ്രമിക്കുന്നതിനെതിരെ മുന്നറിയിപ്പുമായി അബുദാബി പൊലീസ്. റമദാനോട് അനുബന്ധിച്ചുള്ള വ്യാജ മത്സരങ്ങളില്‍ വഞ്ചിതരാകരുതെന്ന് പൊലീസ് പൊതുജനങ്ങളോട് അഭ്യര്‍ത്ഥിച്ചു. മത്സരത്തില്‍ വിജയിച്ചെന്ന നിലയിലാണ് തട്ടിപ്പുകാര്‍ ആളുകളെ ബന്ധപ്പെടുന്നത്.

ഇത്തരം തട്ടിപ്പുകാര്‍ക്കെതിരെ ജാഗ്രത പുലര്‍ത്തണമെന്നും അംഗീകൃതമല്ലാത്ത ചാ​രി​റ്റി​ക​ളി​ലേ​ക്കു​ള്ള വ്യാ​ജ ലി​ങ്കു​ക​ളി​ല്‍ ക്ലി​ക്ക് ചെ​യ്യ​രു​തെ​ന്നും അ​ബുദാബി പൊ​ലീ​സി​ന്റെ ക്രി​മി​ന​ല്‍ സെ​ക്യൂ​രി​റ്റി സെ​ക്ട​ര്‍ ഡ​യ​റ​ക്ട​ര്‍ മേ​ജ​ര്‍ ജ​ന​റ​ല്‍ മു​ഹ​മ്മ​ദ് സു​ഹൈ​ല്‍ അ​ല്‍ റാ​ശ്​​ദി​യും ഇ​ന്‍വെ​സ്റ്റി​ഗേ​ഷ​ന്‍സ് ആ​ന്‍ഡ് ക്രി​മി​ന​ല്‍ ഇ​ന്‍വെ​സ്റ്റി​ഗേ​ഷ​ന്‍സ് ഡ​യ​റ​ക്ട​റേ​റ്റ് ഡ​യ​റ​ക്ട​ര്‍ കേ​ണ​ല്‍ റാ​ഷി​ദ് ഖാ​ലി​ദ് അ​ല്‍ സ​ഹാ​രി​യും ആ​വ​ശ്യ​പ്പെ​ട്ടു. അര്‍ഹതപ്പെട്ടവരെ സ​ഹാ​യി​ക്കാ​നായി ഔ​ദ്യോ​ഗി​ക ജീ​വ​കാ​രു​ണ്യ സം​ഘ​ട​ന​ക​ളു​മാ​യി ബ​ന്ധ​പ്പെ​ടണമെന്നും സ​ഹാ​രി ആ​വ​ശ്യ​പ്പെ​ട്ടു. 

റ​മ​ദാ​ൻ സമയത്ത് ഒ​ട്ടേ​റെ ത​ട്ടി​പ്പു​ക​ള്‍ ന​ട​ക്കു​ന്ന സാ​ഹ​ച​ര്യ​ത്തി​ലാ​ണ് പൊ​ലീ​സ് സാമൂ​ഹിക മാ​ധ്യ​മ അ​ക്കൗ​ണ്ടി​ലൂ​ടെ മു​ന്ന​റി​യി​പ്പ് നൽകിയത്. ഇ​ന്‍ഷു​റ​ന്‍സ് ദാ​താ​ക്ക​ള്‍, റെസ്റ്റോറന്‍റുകൾ, ചി​ല്ല​റ വ്യാ​പാ​രി​ക​ള്‍ തു​ട​ങ്ങി അ​റി​യ​പ്പെ​ടു​ന്ന ക​മ്പ​നി​ക​ളു​ടെ വ്യാ​ജ വെ​ബ്‌​സൈ​റ്റു​ക​ള്‍ ത​യാ​റാ​ക്കി​യും ത​ട്ടി​പ്പു​സം​ഘം പ​ണം ത​ട്ടും. ക്രെ​ഡി​റ്റ് കാ​ര്‍ഡ് ഉ​പ​യോ​ഗി​ച്ച് ഓ​ഫ​റു​ക​ള്‍ വാ​ങ്ങാ​ന്‍ ശ്ര​മി​ക്കു​മ്പോ​ള്‍ ഇ​ര​ക​ളു​ടെ അ​ക്കൗ​ണ്ടി​ലെ പ​ണം സം​ഘം ത​ട്ടി​യെ​ടു​ക്കു​ക​യും ചെ​യ്യും. ആ​ഘോ​ഷ വേ​ള​ക​ളി​ലും ഔ​ദ്യോ​ഗി​ക പ​രി​പാ​ടി​ക​ളു​ടെ സ​മ​യ​ത്തു​മാണ് ത​ട്ടി​പ്പു​കാ​ര്‍ വ്യാ​ജ തൊ​ഴി​ല്‍ റി​ക്രൂ​ട്ട്‌​മെ​ന്റ് പേ​ജു​ക​ളും സാ​മൂ​ഹിക മാ​ധ്യ​മ പ​രി​പാ​ടി​ക​ള്‍ സം​ഘ​ടി​പ്പി​ച്ചും ത​ട്ടി​പ്പ് ന​ട​ത്തു​ന്നത്.വ്യ​ക്തി​വി​വ​ര​ങ്ങ​ള്‍ സൂ​ക്ഷി​ക്കു​ന്ന​തി​നു​ള്ള മു​ന്‍ക​രു​ത​ല്‍ ന​ട​പ​ടി​ക​ള്‍  സ്വീ​ക​രി​ക്ക​ണ​മെ​ന്നും യുഎ​ഇ സൈ​ബ​ര്‍ സെ​ക്യൂ​രി​റ്റി കൗ​ണ്‍സി​ല്‍ ചൂ​ണ്ടി​ക്കാ​ട്ടി​.അ​ക്കൗ​ണ്ടു​ക​ള്‍ക്ക് ഊ​ഹി​ക്കാ​നാ​വാ​ത്ത വി​ധ​മു​ള്ള പാ​സ് വേ​ഡു​ക​ള്‍, മ​ള്‍ട്ടി ഫാ​ക്ട​ര്‍ ഓ​ത​ന്റി​ക്കേ​ഷ​ന്‍ മു​ത​ലാ​യ രീ​തി​ക​ള്‍ അ​വ​ലം​ബി​ക്ക​ണ​മെ​ന്നും കൗ​ണ്‍സി​ല്‍ ഓ​ര്‍മപ്പെടുത്തി. 

Read Also –  പുതിയ ഡ്രൈവിംഗ് ലൈസൻസ് നിയമം കുവൈത്തിൽ പ്രാബല്യത്തിൽ; പ്രവാസികൾക്ക് കാലാവധി അഞ്ച് വർഷം

ത​ട്ടി​പ്പി​നി​ര​യാ​യാ​ല്‍ സ​മീ​പത്തുള്ള പൊ​ലീ​സ് സ്റ്റേ​ഷ​നി​ലെ​ത്തി വി​വ​രം അറിയിക്കണം. ബാ​ങ്ക് അ​ക്കൗ​ണ്ട് വി​ശ​ദാം​ശം ആ​വ​ശ്യ​പ്പെ​ട്ട് ആ​രെ​ങ്കി​ലും വി​ളി​ച്ചാ​ലും ഈ ​വി​വ​രം ഉ​ട​ന്‍ ത​ന്നെ പൊ​ലീ​സി​നെ അ​റി​യി​ക്കു​ക​യോ 8002626 എ​ന്ന സു​ര​ക്ഷാ സ​ര്‍വി​സ് ന​മ്പ​റി​ല്‍ വി​ളി​ക്കു​ക​യോ 2828 എ​ന്ന ന​മ്പ​റി​ലേ​ക്ക് എ​സ്.​എം.​എ​സ് അ​യ​ക്കു​ക​യോ ചെ​യ്യ​ണം.aman@adpolice.gov.ae എ​ന്ന മെ​യി​ലി​ലും അ​ബുദാ​ബി പൊ​ലീ​സി​ന്റെ സ്മാ​ര്‍ട്ട് ആ​പ്പി​ലൂ​ടെ​യും വി​വ​രം അറിയിക്കാം. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം