ബ്ലഡ് കൗണ്ട് കൂട്ടാന്‍ സഹായിക്കുന്ന പാനീയങ്ങള്‍
ചുവന്ന രക്താണുക്കളുടെ എണ്ണം അല്ലെങ്കിൽ രക്തത്തിലെ ഹീമോഗ്ലോബിന്‍റെ അളവ് കുറയുന്ന ഒരു അവസ്ഥയാണ് അനീമിയ അഥവാ വിളര്‍ച്ച. ഇത് ക്ഷീണം, തലകറക്കം, ബലഹീനത തുടങ്ങിയ ലക്ഷണങ്ങളിലേക്ക് നയിച്ചേക്കാം. അനീമിയ തടയുന്നതിന് പ്രധാനമായും ഇരുമ്പ് അടങ്ങിയ ഭക്ഷണങ്ങളാണ് കഴിക്കേണ്ടത്. അത്തരത്തില്‍ ഇരുമ്പിന്റെ ആഗിരണം മെച്ചപ്പെടുത്താനും ഹീമോഗ്ലോബിന്‍റെ അളവ് കൂട്ടാനും ബ്ലഡ് കൗണ്ട് കൂട്ടാനും സഹായിക്കുന്ന ചില പാനീയങ്ങളെ പരിചയപ്പെടാം.
ഹീമോഗ്ലോബിന്‍റെ അളവ് കൂട്ടാനും ബ്ലഡ് കൗണ്ട് കൂട്ടാനും സഹായിക്കുന്ന ചില പാനീയങ്ങളെ പരിചയപ്പെടാം.
ഇരുമ്പും ഫോളേറ്റും (വിറ്റാമിൻ ബി 9) അടങ്ങിയ ബീറ്റ്റൂട്ട് ജ്യൂസ് ചുവന്ന രക്താണുക്കളുടെ ഉത്പാദനത്തെ മെച്ചപ്പെടുത്തുകയും ബ്ലഡ് കൗണ്ട് കൂട്ടുകയും ചെയ്യും.
ഇരുമ്പ്, വിറ്റാമിന്‍ സി അടങ്ങിയ മാതളം ജ്യൂസ് കുടിക്കുന്നതും ബ്ലഡ് കൗണ്ട് കൂട്ടാന്‍ സഹായിക്കും.
ബീറ്റാകരോട്ടിന്‍ അടങ്ങിയ ക്യാരറ്റും, ഇരുമ്പും വിറ്റാമിന്‍ സിയും അടങ്ങിയ ആപ്പിളും ചുവന്ന രക്താണുക്കളുടെ ഉത്പാദനം കൂട്ടും.
അയേണും വിറ്റാമിന്‍ സിയും ധാരാളം അടങ്ങിയതാണ് തണ്ണിമത്തന്‍. അതിനാല്‍ തണ്ണിമത്തന്‍ ജ്യൂസ് കുടിക്കുന്നതും രക്തത്തിലെ ഹീമോഗ്ലോബിന്‍റെ അളവ് കൂട്ടാന്‍ സഹായിക്കും.
ആന്‍റി ഇന്‍ഫ്ലമേറ്ററി ഗുണങ്ങള്‍ അടങ്ങിയ മഞ്ഞള്‍- ഇഞ്ചി പാനീയം കുടിക്കുന്നതും ബ്ലഡ് കൗണ്ട് കൂട്ടാന്‍ സഹായിക്കും.
വിറ്റാമിന്‍ സി അടങ്ങിയ നാരങ്ങാ നീരിനൊപ്പം തേന്‍ കൂടി ചേര്‍ത്ത് കുടിക്കുന്നതും ബ്ലഡ് കൗണ്ട് കൂട്ടാന്‍ ഗുണം ചെയ്യും.
ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.