തകർത്തടിച്ച കൊൽക്കത്തയെ പിടിച്ചുകെട്ടി ആർസിബി; കളി മാറ്റിയത് സ്പിന്നർമാർ, കൊൽക്കത്തയ്ക്ക് 175 റൺസ് വിജയലക്ഷ്യം

ഐപിഎല്ലിലെ ഉദ്ഘാടന മത്സരത്തിൽ നിലവിലെ ചാമ്പ്യൻമാരായ കൊൽക്കത്ത നൈറ്റ് റൈഡേഴ്സിനെതിരെ റോയൽ ചലഞ്ചേഴ്സ് ബെംഗളൂരുവിന് 175 റൺസ് വിജയലക്ഷ്യം. ടോസ് നഷ്ടപ്പെട്ട് ആദ്യം ബാറ്റ് ചെയ്ത കൊൽക്കത്ത 8 വിക്കറ്റ് നഷ്ടത്തിൽ 174 റൺസ് നേടി. കൊൽക്കത്തയ്ക്ക് വേണ്ടി നായകൻ ദിനേഷ് കാർത്തിക് അർധ സെഞ്ച്വറി സ്വന്തമാക്കി. 31 പന്തുകളിൽ 6 ബൌണ്ടറികളും 4 സിക്സറുകളും സഹിതം ദിനേഷ് കാർത്തിക് 54 റൺസ് നേടിയാണ് പുറത്തായത്. 

തകർച്ചയോടെയായിരുന്നു കൊൽക്കത്തയുടെ ഇന്നിംഗ്സ് ആരംഭിച്ചത്. മൂന്നാം പന്തിൽ ക്വിന്റൺ ഡീകോക്കിന്റെ ക്യാച്ച് ആർസിബി കൈവിട്ടു. എന്നാൽ അഞ്ചാം പന്തിൽ ഡീ കോക്കിനെ പുറത്താക്കി ജോഷ് ഹേസൽവുഡ് ആർസിബിയ്ക്ക് മികച്ച തുടക്കം നൽകി. പിന്നീട് ക്രീസിലെത്തിയ ദിനേഷ് കാർത്തിക് സുനിൽ നരൈനെ കൂട്ടുപിടിച്ച് സ്കോർ ഉയർത്തി. ആക്രമിച്ച് തുടങ്ങിയ കാർത്തിക് 25 പന്തിൽ അർധ സെഞ്ച്വറി തികച്ചു. മറുഭാഗത്ത് പതുക്കെ തുടങ്ങിയ നരൈൻ പിന്നീട് ആക്രമണം അഴിച്ചുവിടുന്ന കാഴ്ചയാണ് കാണാനായത്. 103 റൺസിന്റെ കൂട്ടുകെട്ട് പടുത്തുയർത്തിയ ശേഷമാണ് ഇരുവരും പിരിഞ്ഞത്. 10 ഓവർ പൂർത്തിയായപ്പോൾ സുനിൽ നരൈൻ (44) മടങ്ങി. മൂന്ന് പന്തുകളുടെ വ്യത്യാസത്തിൽ കാർത്തിക്കും (56) കൂടാരം കയറിയതോടെ കൊൽക്കത്ത അപകടം മണത്തു.  

സ്പിന്നർമാരെ ഇറക്കി ആർസിബി മത്സരത്തിലേയ്ക്ക് പെട്ടെന്ന് തന്നെ തിരിച്ചുവന്നു. വെങ്കടേഷ് അയ്യർ (6), റിങ്കു സിംഗ് (12), ആന്ദ്രെ റസൽ (4) എന്നിവർക്ക് പിടിച്ചുനിൽക്കാനാകാതെ വന്നതോടെ കൂറ്റൻ സ്കോർ ലക്ഷ്യം കണ്ട കൊൽക്കത്ത വിയർത്തു. അംഗ്രിഷ് രഘുവംശി (30) അവസാന ഓവറുകളിൽ പിടിച്ചുനിന്നതോടെയാണ് കൊൽക്കത്തയുടെ സ്കോർ 170 കടന്നത്. ആർസിബിയ്ക്ക് വേണ്ടി ക്രുനാൽ പാണ്ഡ്യ 4 ഓവറിൽ 29 റൺസ് മാത്രം വഴങ്ങി 3 വിക്കറ്റുകൾ വീഴ്ത്തി. ജോഷ് ഹേസൽവുഡ് രണ്ടും റാഷിക് സലാം, സുയാഷ് ശർമ്മ, യാഷ് ദയാൽ എന്നിവർ ഓരോ വിക്കറ്റ് വീതവും സ്വന്തമാക്കി. 

READ MORE: മുംബൈയെ നേരിടാൻ ധോണി റെഡി, രാത്രി വൈകിയും കഠിന പരിശീലനം; വെളിപ്പെടുത്തലുമായി സഹതാരം