മിഡ്-റേഞ്ചില്‍ വിപണി പിടിക്കാന്‍ ഒപ്പോ; രണ്ട് പുതിയ ഫോണുകള്‍ ഇന്ത്യയിലെത്തി, എഫ്29 സീരീസ് ഫീച്ചറുകളും വിലയും
ദില്ലി: ഒപ്പോ ഡ്യൂറബിളിറ്റിക്ക് പ്രാധാന്യം നല്‍കി എഫ്29 സീരീസ് സ്മാര്ട്ട്ഫോണുകള് ഇന്ത്യയില്‍ അവതരിപ്പിച്ചു. ഒപ്പോ എഫ്29 5ജി (OPPO F29 5G), ഒപ്പോ എഫ്29 പ്രോ 5ജി (OPPO F29 Pro 5G) എന്നീ രണ്ട് ഫോണ്‍ മോഡലുകളാണ് ഒപ്പോയുടെ ഈ സീരീസിലുള്ളത്. ഡസ്റ്റ്, വാട്ടര്‍ സുരക്ഷയ്ക്കായി ഐപി66, ഐപി68, ഐപി69 എന്നിങ്ങനെ ട്രിപ്പിള്‍ ഐപി റേറ്റിംഗുമായാണ് ഫോണുകള്‍ വരുന്നത്. 360 ഡിഗ്രി ആര്‍മോര്‍ ബോഡി ഡിസൈനിലാണ് ഒപ്പോ എഫ്29 സീരീസ് സ്മാര്ട്ട്ഫോണുകള് തയ്യാറാക്കിയിരിക്കുന്നത്.
ഒപ്പോ എഫ്29 സീരീസ്: വേരിയന്‍റുകളും വിലയും
ഒപ്പോ എഫ്29 പ്രോ 5ജി
8 ജിബി റാം + 128 ജിബി സ്റ്റോറേജ്: 27,999 രൂപ
8 ജിബി റാം + 256 ജിബി സ്റ്റോറേജ്: 29,999 രൂപ
12 ജിബി റാം + 256 ജിബി സ്റ്റോറേജ്: 29,999 രൂപ
നിറങ്ങള്‍: മാര്‍ബിള്‍ വൈറ്റ്, ഗ്രാനൈറ്റ് വൈറ്റ്
ഒപ്പോ എഫ്29 5ജി
8 ജിബി റാം + 128 ജിബി സ്റ്റോറേജ്: 23,999 രൂപ
8 ജിബി റാം + 256 സ്റ്റോറേജ്: 25,999 രൂപ
നിറങ്ങള്‍: സോളിഡ് പര്‍പ്പിള്‍, ഗ്ലേഷ്യര്‍ ബ്ലൂ
ഒപ്പോ എഫ്29 പ്രോ 5ജി: സ്പെസിഫിക്കേഷനുകള്‍
6.7 ഇഞ്ച് ക്വാഡ് ഫുള്‍എച്ച്‌ഡി+ ഡിസ്പ്ലെ (2412×1080), 120Hz റിഫ്രഷ് റേറ്റ്, മീഡിയടെക് ഡൈമന്‍സിറ്റി 7300, 12 ജിബി വരെ റാം, 256 ജിബി വരെ സ്റ്റോറേജ്, 50 എംപി പ്രൈമറി ക്യാമറ, 2 എംപി ഡെപ്ത്, 16 എംപി ഫ്രണ്ട് ക്യാമറ, 6000 എംഎഎച്ച് ബാറ്ററി, 80 വാട്സ് വയേര്‍ഡ് ചാര്‍ജര്‍, ആന്ഡ്രോയ്ഡ് അടിസ്ഥാനത്തിലുള്ള കളര്‍ ഒഎസ് 15.
ഒപ്പോ എഫ്29 5ജി: സ്പെസിഫിക്കേഷനുകള്‍
6.7 ഇഞ്ച് അമോലെഡ് ഫുള്‍എച്ച്‌ഡി+ (2412×1080) ഡിസ്പ്ലെ, 120Hz റിഫ്രഷ് റേറ്റ്, ക്വാല്‍കോം സ്നാപ്‌ഡ്രാഗണ്‍ 6 ജെന്‍ 1, 8 ജിബി വരെ റാം, 256 ജിബി വരെ സ്റ്റോറേജ്, 50 എംപി പ്രൈമറി ക്യാമറ, 2 എംപി ഡെപ്ത് ക്യാമറ, 16 എംപി ഫ്രണ്ട് ക്യാമറ, 6500 എംഎഎച്ച് ബാറ്ററി, 45 വാട്സ് വയേര്‍ഡ് ചാര്‍ജര്‍, ആന്ഡ്രോയ്ഡ് 15 അധിഷ്ഠിത കളര്‍ഒഎസ് 15.
ഒപ്പോ എഫ്29 സീരീസ്: വില്‍പന, ഓഫര്‍
ഒപ്പോ എഫ്29 പ്രോ സ്മാര്ട്ട്ഫോണുകള് ഇന്ത്യയില്‍ ഒപ്പോ ഇ-സ്റ്റോറും ആമസോണും ഫ്ലിപ്‌കാര്‍ട്ടും അടക്കമുള്ള ഇ-കൊമേഴ്സ് പ്ലാറ്റ്‌ഫോമുകളും തെരഞ്ഞെടുക്കപ്പെട്ട റീടൈല്‍ ഔട്ട്‌ലറ്റുകളും വഴി ഏപ്രില്‍ 1 മുതല്‍ വാങ്ങിക്കാം. ഒപ്പോ എഫ്29 5ജി മാര്‍ച്ച് 27 മുതല്‍ ലഭ്യമായിരിക്കും. എസ്ബിഐ, എച്ച്‌ഡിഎഫ്‌സി, ആക്സിസ്, ബറോഡ, ഐഡിഎഫ്സി തുടങ്ങി തെരഞ്ഞെടുക്കപ്പെട്ട ബാങ്ക് കാര്‍ഡുകള്‍ക്ക് ആരംഭ ഓഫറിന്‍റെ ഭാഗമായി 10 ശതമാനം ക്യാഷ്‌ബാക്ക് ലഭിക്കും. ട്രേഡ്-ഇന്‍ ഡീലുകളില്‍ 10 ശതമാനം എക്സ്‌ചേഞ്ച് ബോണസും, ആറ് മാസം വരെ നോ-കോസ്റ്റ് ഇഎംഐ സൗകര്യവും ലഭ്യമായിരിക്കും.