വെണ്ടയ്ക്കയിട്ട വെള്ളം കുടിക്കൂ, ഈ അഞ്ച് ആരോഗ്യ പ്രശ്നങ്ങളെ തടയാം

വിറ്റാമിനുകള്‍, ധാതുക്കള്‍, ആന്‍റി ഓക്സിഡന്‍റുകള്‍ തുടങ്ങിയവ അടങ്ങിയതാണ് വെണ്ടയ്ക്ക. വെണ്ടയ്ക്ക ഇട്ടുവച്ച വെള്ളം കുടിക്കുന്നത് ആരോഗ്യത്തിന് ഏറെ നല്ലതാണ്. അവ എന്തൊക്കെയാണെന്ന് നോക്കാം. 

1. ബ്ലഡ് ഷുഗര്‍ കുറയ്ക്കും 

നാരുകള്‍ ധാരാളം അടങ്ങിയ വെണ്ടയ്ക്കയിട്ട് വച്ച വെള്ളം രാവിലെ വെറും വയറ്റില്‍ കുടിക്കുന്നത് രക്തത്തിലെ പഞ്ചസാരയുടെ അളവിനെ നിയന്ത്രിക്കാന്‍ സഹായിക്കും. 

2. മലബന്ധം 

ഫൈബര്‍ അടങ്ങിയിരിക്കുന്നതിനാല്‍ വെണ്ടയ്ക്കയിട്ട് വച്ച വെള്ളം രാവിലെ കുടിക്കുന്നത് മലബന്ധത്തെ അകറ്റാനും ദഹനം മെച്ചപ്പെടുത്താനും ഗുണം ചെയ്യും. 

3. ഓസ്റ്റിയോപെറോസീസ് സാധ്യത കുറയ്ക്കും 

വിറ്റാമിന്‍ കെ, കാത്സ്യം തുടങ്ങിയവ അടങ്ങിയ വെണ്ടയ്ക്കാ വെള്ളം കുടിക്കുന്നത് ഓസ്റ്റിയോപെറോസീസ് സാധ്യത കുറയ്ക്കാനും എല്ലുകളുടെ ആരോഗ്യം സംരക്ഷിക്കാനും സഹായിക്കും. 

4. കിഡ്നി സ്റ്റോണ്‍ സാധ്യത കുറയ്ക്കും

വെണ്ടയ്ക്കാ വെള്ളം കുടിക്കുന്നത് കിഡ്നി സ്റ്റോണ്‍ സാധ്യതയെ കുറയ്ക്കാനും ഗുണം ചെയ്യും. 

5. വണ്ണം കുറയ്ക്കാന്‍

കലോറി കുറവായതിനാലും ഫൈബര്‍ അടങ്ങിയിരിക്കുന്നതിനാലും വെണ്ടയ്ക്കയിട്ട് വച്ച വെള്ളം കുടിക്കുന്നത് വിശപ്പ് കുറയ്ക്കാനും വണ്ണം കുറയ്ക്കാനും സഹായിക്കും. 

ശ്രദ്ധിക്കുക: നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുന്നതാവും നിങ്ങളുടെ ആരോഗ്യത്തിന് നല്ലത്.

Also read: ഡയറ്റില്‍ മഷ്‌റൂം ഉള്‍പ്പെടുത്തൂ; അറിയാം ഗുണങ്ങള്‍