മാർച്ച് 26 ന് മുൻപ് കെവൈസി അപ്‌ഡേറ്റ് ചെയ്യാൻ ഉപഭോക്താക്കളോട് ആവശ്യപ്പെട്ട് പഞ്ചാബ് നാഷണൽ ബാങ്ക്

ഡൽഹി: റിസർവ് ബാങ്ക് ഓഫ് ഇന്ത്യയുടെ (ആർബിഐ) മാർഗ്ഗനിർദ്ദേശങ്ങൾ പാലിച്ചുകൊണ്ട്, കെവൈസി വിവരങ്ങൾ അപ്ഡേറ്റ് ചെയ്യണമെന്ന് പഞ്ചാബ് നാഷണൽ ബാങ്ക്. ഡിസംബർ 31 2024 വരെ കെവൈസി അപ്‌ഡേറ്റ് ചെയ്യേണ്ട അക്കൗണ്ടുകളുള്ള ഉപഭോക്താക്കൾക്ക് മാത്രമേ ഇത് ബാധകമാകൂ.
കെവൈസി പാലിക്കൽ പ്രക്രിയയുടെ പൂർത്തിയാക്കാൻ ഭാഗമായി, ഐഡന്റിറ്റി പ്രൂഫ്, മേൽവിലാസ തെളിവ്, സമീപകാല ഫോട്ടോ, പാൻ/ഫോം 60, വരുമാന തെളിവ്, മൊബൈൽ നമ്പർ അല്ലെങ്കിൽ മറ്റ് ഏതെങ്കിലും അപ്‌ഡേറ്റ് ചെയ്ത വിവരങ്ങൾ ഏതെങ്കിലും ബ്രാഞ്ചിൽ നൽകിയാൽ മതി.
 പിഎൻബി വൺ/ഇന്റർനെറ്റ് ബാങ്കിംഗ് സർവീസസ് (ഐബിഎസ്) വഴിയോ അല്ലെങ്കിൽ മാർച്ച് 26നകം ബ്രാഞ്ചിലേക്ക് രജിസ്റ്റർ ചെയ്ത ഇ-മെയിൽ/പോസ്റ്റ് വഴിയോ ഇത് ചെയ്യാം. നിശ്ചിത സമയത്തിനുള്ളിൽ കെവൈസി വിശദാംശങ്ങൾ അപ്‌ഡേറ്റ് ചെയ്യുന്നതിൽ പരാജയപ്പെടുന്നത് അക്കൗണ്ട് പ്രവർത്തനങ്ങളിൽ നിയന്ത്രണങ്ങൾക്ക് കാരണമായേക്കാം.