കൊച്ചി: വീട്ടിലെ കബോര്‍ഡില്‍ നിന്നും പണം മോഷ്ടിച്ച കേസില്‍ വീട്ടുജോലിക്കാരി അറസ്റ്റില്‍.
വേങ്ങൂര്‍ മുടക്കുഴ ഭാഗത്ത് താമസിക്കുന്ന മൂവാറ്റുപുഴ വാളകം മേക്കടമ്പ് അറയ്ക്കല്‍ വീട്ടില്‍ ബീന (44) യെയാണ് കാലടി പോലീസ് അറസ്റ്റ് ചെയ്തത്. മറ്റൂര്‍ മരോട്ടിച്ചോട് ഭാഗത്തുള്ള വീട്ടില്‍ നിന്നായിരുന്നു മോഷണം നടത്തിയത്.
ഈ മാസം 16ന് ആയിരുന്നു സംഭവം. കബോര്‍ഡില്‍ സൂക്ഷിച്ചിരുന്ന നാല് ലക്ഷം രൂപയാണ് മോഷണം പോയത്. മോഷ്ടിച്ച പണം കൊണ്ട് സ്വര്‍ണാഭരണങ്ങള്‍ വാങ്ങിക്കുകയായിരുന്നു. ഇവ പിന്നീട് പോലീസ് കണ്ടെടുത്തു.
കോടതിയില്‍ ഹാജരാക്കി റിമാന്റ് ചെയ്തു. അന്വേഷണ സംഘത്തില്‍ ഇന്‍സ്‌പെക്ടര്‍ അനില്‍കുമാര്‍ ടി മേപ്പിള്ളി, എസ് ഐ മാരായ ജോസി എം ജോണ്‍സണ്‍, റ്റി.വി. സുധീര്‍, ജെയിംസ് മാത്യു, എ എസ് ഐ കെ.എം.പ്രസാദ്, എസ് സി പി ഓമാരായ റ്റി.എന്‍. മനോജ് കുമാര്‍, ഷിജോ പോള്‍, കെ.കെ.ബിന്ദു എന്നിവരാണ് ഉണ്ടായിരുന്നത്.