കുവൈത്ത് സിറ്റി: കുവൈത്ത് ദേശീയ ദിനാഘോഷദിനങ്ങളില്‍ തണുത്ത കാലാവസ്ഥയും മഞ്ഞും അനുഭവപ്പെടുമെന്ന് കാലാവസ്ഥ മുന്നറിയിപ്പ്. കാറ്റ് വടക്ക് പടിഞ്ഞാറ് ദിശയില്‍ ആയിരിക്കും. പ്രത്യേകിച്ച് തീരപ്രദേശങ്ങളില്‍ ഇത് തണുത്ത കാലാവസ്ഥയുടെ പ്രതീതി വര്‍ദ്ധിപ്പിക്കുകയും കാര്‍ഷിക, മരുഭൂമി പ്രദേശങ്ങളില്‍ മഞ്ഞ് വീഴാനുള്ള സാധ്യത കൂട്ടുകയും ചെയ്യും.
പ്രത്യേകിച്ച് തീരപ്രദേശങ്ങളില്‍ ഇത് തണുത്ത കാലാവസ്ഥയുടെ പ്രതീതി വര്‍ദ്ധിപ്പിക്കുകയും കാര്‍ഷിക, മരുഭൂമി പ്രദേശങ്ങളില്‍ മഞ്ഞ് വീഴാനുള്ള സാധ്യത കൂട്ടുകയും ചെയ്യും.
നാളെയും മറ്റന്നാളും ശീത തരംഗത്തിന്റെ തോത് ഉയരുമെന്നാണ് പ്രതീക്ഷിക്കുന്നതെന്നും അടുത്ത വ്യാഴാഴ്ച മുതല്‍ താപനില ക്രമേണ ഉയരാന്‍ തുടങ്ങുമെന്നും ഡിപ്പാര്‍ട്ട്മെന്റ് ഡയറക്ടര്‍ ധാരാര്‍ അല്‍ – അലി പറഞ്ഞു. x
സൈബീരിയന്‍ ധ്രുവീയ കോള്‍ഡ് വേവ് താപനില ഇടിവിന് കാരണമായി. മത്രബഹയില്‍ – എട്ട് ഡിഗ്രി സെല്‍ഷ്യസും സാല്‍മിയില്‍ -6 ഡിഗ്രി സെല്‍ഷ്യസും ആയിരുന്നു താപനില.
കുവൈറ്റ് സിറ്റിയെ സംബന്ധിച്ചിടത്തോളം, താപനില 0 ഡിഗ്രി സെല്‍ഷ്യസും യഥാര്‍ത്ഥ കുറഞ്ഞ താപനില 8 ഡിഗ്രി സെല്‍ഷ്യസും ആയിരുന്നുവെന്ന് കാലാവസ്ഥ വിദഗ്ധന്‍ ഇസ്സ റമദാനും അറിയിച്ചു.