കോട്ടയം: കാഞ്ഞിരപ്പള്ളി: ബസ്സിനുള്ളില്‍ വച്ച് മധ്യവയസ്‌കയുടെ ബാഗ് കീറി പണം മോഷ്ടിക്കാന്‍ ശ്രമിച്ച കേസില്‍ അന്യസംസ്ഥാന സ്വദേശികളായ രണ്ട് യുവതികളെ പോലീസ് അറസ്റ്റ് ചെയ്തു. തമിഴ്‌നാട് സ്വദേശികളായ കാളിയമ്മ (41), സരസ്വതി (38) എന്നിവരെയാണ് കാഞ്ഞിരപ്പള്ളി പോലീസ് അറസ്റ്റ് ചെയ്തത്.
ഇവര്‍ ഇന്നലെ (24.02.2025) രാവിലെ ഈരാറ്റുപേട്ടയില്‍ നിന്നും കാഞ്ഞിരപ്പള്ളിയിലേക്ക് പോവുകയായിരുന്ന സ്വകാര്യ ബസില്‍ വച്ച് മധ്യവയസ്‌കയുടെ ഷോള്‍ഡര്‍ ബാഗ് കീറി അതിനുള്ളില്‍ സൂക്ഷിച്ചിരുന്ന പണമടങ്ങിയ പേഴ്‌സ് മോഷ്ടിക്കാന്‍ ശ്രമിക്കുകയായിരുന്നു.
തുടര്‍ന്ന് കാഞ്ഞിരപ്പള്ളി പോലീസ് ഇരുവരെയും അറസ്റ്റ് ചെയ്യുകയായിരുന്നു. കാഞ്ഞിരപ്പള്ളി സ്റ്റേഷന്‍ എസ്.എച്ച്.ഓ ശ്യാംകുമാര്‍ കെ.ജി യുടെ നേതൃത്വത്തിലാണ് ഇവരെ അറസ്റ്റ് ചെയ്തത്.കോടതിയില്‍ ഹാജരാക്കിയ ഇരുവരെയും റിമാന്‍ഡ് ചെയ്തു.