കോട്ടയം : വില്‍പ്പനയ്ക്കായി കൊണ്ടുവന്ന 01.760 കിലോ കഞ്ചാവുമായി രണ്ടുപേരെ പോലീസ് അറസ്റ്റ് ചെയ്തു. അയ്മനം കുടമാളൂര്‍ പുളിഞ്ചുവട് ഫിറോസ് മന്‍സില്‍ വീട്ടില്‍ ഫാരിസ് (25), കുമാരനെല്ലൂര്‍ പള്ളികിഴക്കേതില്‍ വീട്ടില്‍ ജിബിന്‍ ചെറിയാന്‍ (24) എന്നിവരെയാണ് ഗാന്ധിനഗര്‍ പോലീസ് പിടികൂടിയത്.
പെരുമ്പായിക്കാട് തോപ്പില്‍ പടി ഭാഗത്ത് കഞ്ചാവ് വില്പന നടക്കുന്നതായി ജില്ലാ പോലീസ് മേധാവി ഷാഹുല്‍ ഹമീദിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ഗാന്ധിനഗര്‍ പോലീസ് ഇന്നലെ രാത്രി നടത്തിയ പരിശോധനയിലാണ് തോപ്പില്‍ പടി ജംഗ്ഷന്‍ ഭാഗത്ത് വച്ച് ഇവര്‍ ഇരുവരെയും പിടികൂടുന്നത്.
പോലീസിനെ കണ്ട് ഇവര്‍ ഓടി രക്ഷപ്പെടാന്‍ ശ്രമിച്ചെങ്കിലും പോലീസ് ഇവരെ പിന്തുടര്‍ന്ന് പിടികൂടുകയായിരുന്നു. ഇവരുടെ കൈയില്‍ ഉണ്ടായിരുന്ന ബാഗില്‍ നിന്നും പോലീസ് കഞ്ചാവ് കണ്ടെടുക്കുകയും ചെയ്തു.
ഗാന്ധിനഗര്‍ സ്റ്റേഷന്‍ എസ്.എച്ച്. ഓ ടി.ശ്രീജിത്ത്, എസ്.ഐ മാരായ അനുരാജ്, ആഷില്‍ രവി, എ.എസ്. ഐ പത്മകുമാര്‍, സി.പി.ഓ മാരായ ദിലീപ് വര്‍മ്മ,രഞ്ജിത്ത്,അനൂപ്, വിഷ്ണുപ്രിയന്‍, മനീഷ്, സജിത്ത്, കിരണ്‍കുമാര്‍, ശ്രീനിഷ് തങ്കപ്പന്‍ പ്രതീഷ് എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്. ഈ കേസില്‍ കൂടുതല്‍ അന്വേഷണം നടത്തിവരികയാണ്. കോടതിയില്‍ ഹാജരാക്കിയ ഇരുവരെയും റിമാണ്ട് ചെയ്തു.