വർക്കലയിൽ പ്ലസ് വൺ വിദ്യാർത്ഥിയെ സഹപാഠിയുടെ ബന്ധുക്കൾ ക്രൂരമായി മർദിച്ചു. പരിക്കേറ്റ വിദ്യാർത്ഥിയെ വഴിയിൽ ഉപേക്ഷിച്ച് സംഘം കടന്ന് കളഞ്ഞു

 തിരുവനന്തപുരം: വർക്കലയിൽ 16കാരനെ സഹപാഠിയായ പെൺകുട്ടിയുടെ ബന്ധുക്കൾ ക്രൂരമായി മർദിച്ചു. ഇന്നലെ രാത്രിയിലാണ് പ്ലസ് വൺ വിദ്യാർത്ഥിയെ 5 പേർ ചേർന്ന് മർദ്ദിച്ചത്. കുട്ടിക്കൊപ്പം പഠിക്കുന്ന പെൺകുട്ടിയുടെ ബന്ധുക്കളാണ് മർദ്ദിച്ചത്. 
പെൺകുട്ടിക്ക് മറ്റൊരാളുമായി സംസാരിക്കാൻ ഫോൺ നൽകി എന്ന് പറഞ്ഞാണ് മർദ്ദിച്ചത് എന്നാണ് പരാതി.  മർദിച്ച ശേഷം വഴിയിൽ ഇറക്കിവിട്ടെന്നും പരാതിയിൽ പറയുന്നു.
പരിക്കേറ്റ വിദ്യാർത്ഥിയെ വഴിയിൽ ഉപേക്ഷിച്ച് സംഘം കടന്ന് കളഞ്ഞു. പ്രതികളെ പൊലീസ് കസ്റ്റഡിയിൽ എടുത്ത് വിട്ടയച്ചു.