കോട്ടയം: സി.പി.എം. കോട്ടയം ജില്ലാ സെക്രട്ടറി എ.വി. റസല്‍ (63) അന്തരിച്ചു. ചെന്നൈ അപ്പോളോ ആശുപത്രിയില്‍ വച്ചായിരുന്നു അന്ത്യം. ക്യാന്‍സര്‍ ബാധിതനായി ചികിത്സയിലായിരുന്നു.
ശസ്ത്രക്രിയയ്ക്ക് വിധേയനാക്കി നാട്ടിലേക്ക് മടങ്ങാനിരിക്കെയാണ് അന്ത്യം. 1981ല്‍ പാര്‍ട്ടി അംഗമായ റസല്‍ 12 വര്‍ഷം ചങ്ങനാശേരി ഏരിയാ സെക്രട്ടറിയായിരുന്നു. 12 വര്‍ഷമായി ജില്ലാ സെക്രട്ടറിയേറ്റിലും 24 വര്‍ഷമായി ജില്ലാ കമ്മിറ്റിയിലും അംഗമാണ്.
ഡി.വൈ.എഫ്.ഐ. സംസ്ഥാന വൈസ് പ്രസിഡന്റും കേന്ദ്ര കമ്മിറ്റി അംഗവും ഏഴു വര്‍ഷം കോട്ടയം ജില്ലാ സെക്രട്ടറിയുമായിരുന്നു. സി.ഐ.ടി.യു. അഖിലേന്ത്യാ വര്‍ക്കിങ് കമ്മിറ്റി അംഗമാണ്.
2006ല്‍ ചങ്ങനാശേരിയില്‍ നിന്ന് നിയമസഭയിലേക്ക് മത്സരിച്ചിരുന്നു. 2000-05ല്‍ ജില്ലാ പഞ്ചായത്ത് അംഗവുമായിരുന്നു. ചങ്ങനാശേരി അര്‍ബന്‍ ബാങ്ക് പ്രസിഡന്റാണ്. ജനുവരി നാലിനാണ് വീണ്ടും ജില്ലാ സെക്രട്ടറിയായത്.
1981ല്‍ പാര്‍ട്ടി അംഗം, 12 വര്‍ഷം ചങ്ങനാശേരി ഏരിയാ സെക്രട്ടറി, 12 വര്‍ഷമായി ജില്ലാ സെക്രട്ടറിയേറ്റിലും; സി.പി.എം. കോട്ടയം ജില്ലാ സെക്രട്ടറി എ.വി. റസല്‍ അന്തരിച്ചു; മരണം ക്യാന്‍സര്‍ ബാധിതനായി ചികിത്സയിലിരിക്കെ
Byadmin
Feb 21, 2025