ബെംഗളൂരുവില്‍ നിന്ന് പാലക്കാട് വഴി വില്പനയ്ക്കായി എത്തിച്ച 19.28 ഗ്രാം എം.ഡി.എം; മൂന്നു  യുവാക്കൾ പിടിയിൽ

തൃശൂര്‍: മിനി ടെമ്പോയില്‍ മൂന്നു പേര്‍ നിരോധിത മയക്കുമരുന്നുമായി പാലക്കാട് വഴി തൃശൂരിലേക്ക് വരുന്നുണ്ടെന്നുള്ള രഹസ്യവിവരത്തെത്തുടർന്നുള്ള പരാശോധന. മൂന്നു പേർ അറസ്റ്റിൽ. 
ബെംഗളൂരുവില്‍ നിന്ന് പാലക്കാട് വഴി വില്പനയ്ക്കായി എത്തിച്ച 19.28 ഗ്രാം എം.ഡി.എം.എയുമായി വന്ന യുവാക്കൾ പൊലീസ് പിടിയിൽ. കാളത്തോട് സ്വദേശി ഷഫീക്ക് (35), കൊഴുക്കുള്ളി അത്താണിമൂല സ്വദേശി സജിത്ത് (34), മുളയം അയ്യപ്പന്‍കാവ് സ്വദേശി യദുകൃഷ്ണന്‍ (31) എന്നിവരെയാണ് വട്ടക്കല്ലില്‍വച്ച് മണ്ണുത്തി സബ് ഇന്‍സ്‌പെകടര്‍ കെസി ബൈജുവും സംഘവും പിടികൂടിയത്.
 വാഹന പരിശോധനയിലാണ് എംഡിഎംഎയുമായി മൂന്നുപേരെ പിടികൂടിയത്. ഷെഫീക്കിന് പുതുക്കാട് സ്റ്റേഷനില്‍ ഒരു കേസും സജിത്തിന് മണ്ണുത്തി, പീച്ചി എന്നീ സ്റ്റേഷനുകളിലായി നാല് കേസുകളും യദുകൃഷ്ണന് ഒല്ലൂര്‍ സ്റ്റേഷനില്‍ ഒരു കേസും നിലവിലുണ്ട്.