ഡല്‍ഹി: ജോഹന്നാസ്ബര്‍ഗില്‍ നടന്ന ആദ്യ ജി 20 വിദേശകാര്യ മന്ത്രിമാരുടെ യോഗത്തില്‍ ചൈനയെ വിമര്‍ശിച്ച് ഇന്ത്യന്‍ വിദേശകാര്യ മന്ത്രി എസ്. ജയശങ്കര്‍.
ബലപ്രയോഗത്തിന് ഇടമുണ്ടാകരുതെന്നും ബഹുസ്വരതയ്ക്കുള്ള പ്രേരണയില്‍ ആഗോള അജണ്ടയെ ചുരുക്കം ചിലരുടെ താല്‍പ്പര്യങ്ങളിലേക്ക് ചുരുക്കാന്‍ കഴിയില്ലെന്നും അദ്ദേഹം പറഞ്ഞു.
ബഹുരാഷ്ട്രവാദത്തിന് തന്നെ ആഴത്തിലുള്ള കേടുപാടുകള്‍ സംഭവിച്ചിട്ടുണ്ടെന്നും ഐക്യരാഷ്ട്രസഭയും അതിന്റെ സുരക്ഷാ കൗണ്‍സിലും പലപ്പോഴും ഗ്രിഡ്-ലോക്ക്ഡ് ആണെന്നും അംഗരാജ്യങ്ങള്‍ തിരിച്ചറിയണമെന്നും ജയശങ്കര്‍ പറഞ്ഞു
അന്താരാഷ്ട്ര നിയമങ്ങള്‍, പ്രത്യേകിച്ച് 1982 ലെ ഐക്യരാഷ്ട്രസഭയുടെ സമുദ്ര നിയമ കണ്‍വെന്‍ഷന്‍ മാനിക്കപ്പെടണമെന്ന് ജയ്ശങ്കര്‍ പറഞ്ഞു.
ഇന്ത്യന്‍ നാവികസേന നിര്‍ണായക പങ്ക് വഹിച്ചിട്ടുള്ള അറേബ്യന്‍ കടലിലും ഏദന്‍ ഉള്‍ക്കടലിലും സമുദ്ര സുരക്ഷ ഉറപ്പാക്കുന്നതിനുള്ള ഇന്ത്യയുടെ പ്രതിബദ്ധതയും അദ്ദേഹം ചൂണ്ടിക്കാട്ടി
ഭൗമരാഷ്ട്രീയ സംഘര്‍ഷങ്ങള്‍ കാരണം തടസ്സപ്പെട്ട സാധാരണ സമുദ്ര വാണിജ്യം പുനഃസ്ഥാപിക്കേണ്ടതിന്റെ ആവശ്യകതയും അദ്ദേഹം വ്യക്തമാക്കി.