ഉറപ്പാണ് കിഫ്ബി ടോൾ, ഘടകകക്ഷികളുടെ എതിരഭിപ്രായം തള്ളി, കിഫ്ബി സംരക്ഷണത്തിന് സർക്കാർ നടപടി വേണമെന്ന് എല്‍ഡിഎഫ്
തിരുവനന്തപുരം: കിഫ്ബി റോഡുകളില്‍ ടോള്‍ ഉറപ്പായി .ഘടകകക്ഷി എതിരഭിപ്രായം വകവയ്ക്കാതെ എൽഡിഎഫ് നേതൃത്വം.കിഫ്ബിയുടെ സംരക്ഷണം ഉറപ്പാക്കണമെന്ന് സർക്കാരിനോട് എൽഡിഎഫ് ആവശ്യപ്പെട്ടു.ഇടതുമുന്നണി സർക്കുലറിന്‍റെ പകർപ്പ് ഏഷ്യാനെറ്റ് ന്യൂസിന് ലഭിച്ചു.കഴിഞ്ഞ ദിവസം എംഎന്‍ സ്മാരകത്തില്‍ ചേര്‍ന്ന ഇടതുമുന്നണിയോഗത്തിലടക്കം സിപിഐ ഇക്കാര്യത്തില്‍ ആശങ്ക അറിയിച്ചെങ്കിലും .അത് സിപിഎം അവഗണിക്കുന്നുവെന്നാണ് ഇടതുമന്നണി സര്‍ക്കുലര്‍ നല്‍കുന്ന സൂചന
.തദേശ തെരഞ്ഞെടുപ്പ് അടുത്തിരിക്കെ ടോൾ ജന വികാരം എതിരാക്കുമെന്നാണ് സിപിഐ നിലപാട്.ടോളിന് കാരണം കേന്ദ്രത്തിന്റ നയം ആണെന്ന് ആദ്യം നല്ല രീതിയിൽ ജനത്തെ ബോധ്യപെടുത്തണം എന്നാണ് പാർട്ടി ആവശ്യപ്പെട്ടത്.. ടോളിന്‍റെ ആവശ്യകത സിപിഎം മുന്നണി യോഗത്തിൽ ആവർത്തിച്ചു.വരുമാനം കണ്ടെത്തിയില്ലെങ്കിൽ കിഫ്ബിക്ക് മുന്നോട്ട് പോകാൻ കഴിയാത്ത സ്ഥിതി ഉണ്ടാകുമെന്ന നിലപാട് സിപിഎം ആവർത്തിക്കുകയായിരുന്നു