കോട്ടയം: അനുമതിയില്ലാതെ സാറ്റലൈറ്റ് ഫോൺ ഉപയോഗിച്ചതിന് ഇസ്രായേൽ പൗരനെ പിടിയിൽ. ഇസ്രായേൽ സ്വദേശിയായ ഡേവിഡ്എലി ലിസ് ബോണ (75) ആണ് മുണ്ടക്കയം പൊലീസിന്റെ പിടിയിലായത്.
കുമരകത്ത് എത്തിയ ഇയാൾ അവിടെനിന്ന് തേക്കടിയിലേക്ക് പോകുന്ന വഴിയാണ് സാറ്റലൈറ്റ് ഫോൺ ഉപയോഗിച്ചത്.
സ്റ്റ്ലൈറ്റ് ഫോണിന്റെ ഉപയോഗം തിരിച്ചറിഞ്ഞ ഇന്റലിജൻസ് വിഭാഗം പൊലീസിന് വിവരം കൈമാറി.
തുടർന്ന് ഇയാളെ മുണ്ടക്കയത്ത് വച്ച് പിടികൂടുകയുമായിരുന്നു. ഇന്റലിജൻസും, എൻഐഎയും, പൊലീസും ഇയാളെ ചോദ്യം ചെയ്‌തു.
സാറ്റലൈറ്റ് ഫോൺ പിടിച്ചെടുത്ത് മറ്റ് നിയമ നടപടികൾക്ക് ശേഷം സ്വന്തം ജാമ്യത്തിൽ വിട്ടു. ഇന്ത്യൻ വയർലെസ് ടെലഗ്രാഫി ആക്ട് പ്രകാരമാണ് കേസ് എടുത്തത്.