ഡല്‍ഹി: ബുധനാഴ്ച നടത്താനിരുന്ന സൗദി അറേബ്യ സന്ദര്‍ശനം മാര്‍ച്ച് 10 വരെ മാറ്റിവച്ചതായി ഉക്രേനിയന്‍ പ്രസിഡന്റ് വോളോഡിമര്‍ സെലെന്‍സ്‌കി.
ഉക്രെയ്നിന്റെ പങ്കാളിത്തമില്ലാതെ യുദ്ധം അവസാനിപ്പിക്കുന്നതിനെക്കുറിച്ചുള്ള ഒരു ചര്‍ച്ചയും നടക്കില്ലെന്ന് അദ്ദേഹം പറഞ്ഞു.
കൈവിന്റെ സുരക്ഷാ ഗ്യാരണ്ടികളെക്കുറിച്ചുള്ള ചര്‍ച്ചകളില്‍ അമേരിക്ക, ഉക്രെയ്ന്‍, യൂറോപ്പ് എന്നിവയുടെ പങ്കാളിത്തം നീതിപൂര്‍വകമായ സമാധാനം ഉറപ്പാക്കേണ്ടതുണ്ടെന്ന് സെലെന്‍സ്‌കി പറഞ്ഞു
‘ഞങ്ങളുടെ പുറകില്‍ നിന്ന് ആരും ഒന്നും തീരുമാനിക്കരുതെന്ന് ഞങ്ങള്‍ ആഗ്രഹിക്കുന്നു. ഉക്രെയ്‌നിലെ യുദ്ധം എങ്ങനെ അവസാനിപ്പിക്കണമെന്ന് ഉക്രെയ്‌നില്ലാതെ ഒരു തീരുമാനവും എടുക്കാന്‍ കഴിയില്ലെന്നും സെലെന്‍സ്‌കി മാധ്യമപ്രവര്‍ത്തകരോട് പറഞ്ഞു.