ഈ അടിപൊളി ഇറ്റാലിയൻ ബൈക്ക് ഉടൻ ഇന്ത്യയിൽ എത്തും

പ്രശസ്‍ത ഇറ്റാലിയൻ ബൈക്ക് നിർമ്മാതാക്കളായ അപ്രീലിയ ഉടൻ തന്നെ ഇന്ത്യൻ വിപണിയിൽ തങ്ങളുടെ പുതിയ ട്യൂണോ 457 ബൈക്ക് പുറത്തിറക്കാൻ പോകുന്നു . അപ്രീലിയ RS 457 നെ അടിസ്ഥാനമാക്കിയുള്ളതായിരിക്കും ട്യൂണോ457. ഇതിന്റെ എക്സ്-ഷോറൂം വില 3.99 ലക്ഷം രൂപ ആയിരിക്കുമെന്ന് പ്രതീക്ഷിക്കുന്നു. ഇത് RS 457 നേക്കാൾ ഏകദേശം 20,000 രൂപ കുറവായിരിക്കും. അതിന്റെ വിശദാംശങ്ങൾ അറിയാം.

പ്ലാറ്റ്‌ഫോമും രൂപകൽപ്പനയും
അപ്രീലിയ RS457 ന്റെ അതേ പ്ലാറ്റ്‌ഫോമിലാണ് ട്യൂണോ 457 നിർമ്മിച്ചിരിക്കുന്നത്. അതിന്റെ വലിയ മോഡലായ RSV4 ന് സമാനമായ ഒരു ഇരട്ട-സ്പാർ അലുമിനിയം ഫ്രെയിം ആണിത്. ട്യൂണോ V4 ന്റെ ഒരു സ്കെയിൽ-ഡൗൺ പതിപ്പ് പോലെ തോന്നിപ്പിക്കും. ഇത് അതിന്റെ പൂർണ്ണ ഫെയേഴ്സ് സഹോദര മോഡലായ RS457 നെ അപേക്ഷിച്ച് ഇതിനെ വേറിട്ടു നിർത്തുന്നു.

അപ്രീലിയ ട്യൂണോ 457 ന്റെ ലുക്ക്
അപ്രീലിയ ട്യൂണോ 457 അതിന്റെ ശൈലിയും സ്‍പോർട്ടി രൂപകൽപ്പനയും കൊണ്ട് സവിശേഷമായിരിക്കും. ഇത് ഒരു സ്ട്രീറ്റ്-നേക്കഡ് ബൈക്കായിരിക്കും, ഇത് സ്പോർട്സ് ബൈക്കായ RS 457 ൽ നിന്ന് വ്യത്യസ്തമായിരിക്കും. ബഗ്-ഫേസ് ഹെഡ്‌ലൈറ്റ് ക്ലസ്റ്റർ – വളരെ ഷാർപ്പായിട്ടുള്ളതും ആകർഷകവുമായ രൂപം നൽകുന്നു. ഒപ്പം വേറിട്ട ഫ്യുവൽ ടാങ്ക് ഡിസൈനും സ്ലീക്ക് ടെയിൽ സെക്ഷനും സ്റ്റൈലിഷ് ഫിനിഷുമൊക്കെ ഇതിന്‍റെ ചില പ്രധാന ഡിസൈൻ ഘടകങ്ങളിൽ ഉൾപ്പെടുന്നു.

കംഫർട്ട് റൈഡിംഗ് പൊസിഷൻ
ഈ ബൈക്കിൽ റൈഡറുടെ സ്ഥാനം കൂടുതൽ നിവർന്നുനിൽക്കും. ഇതിന് സിംഗിൾ-പീസ് ഹാൻഡിൽബാർ ഉണ്ട്, ഇത് RS 457 ന്റെ ക്ലിപ്പ്-ഓൺ ഹാൻഡിൽബാറിനേക്കാൾ സുഖകരമായ റൈഡിംഗ് നിലപാട് നൽകുന്നു.

ധാരാളം ഫീച്ചറുകൾ
നിരവധി ഫീച്ചറുകളാൽ സമ്പന്നമാണ് അപ്രീലിയ ട്യൂണോ 457.  ഇതിന് പൂർണ്ണമായും എൽഇഡി ലൈറ്റിംഗ്, സ്റ്റൈലിഷ്, പ്രീമിയം ലുക്ക് എന്നിവയുണ്ട്. ഇതിന് ട്രാക്ഷൻ കൺട്രോൾ, മികച്ച ഗ്രിപ്പ്, ഹാൻഡ്‌ലിംഗ് എന്നിവയുണ്ട്. ഒന്നിലധികം റൈഡ് മോഡുകൾ ഇതിനുണ്ട്. ഇതിന് സ്വിച്ചബിൾ ABS, TFT ഡിസ്പ്ലേ (ബ്ലൂടൂത്ത് കണക്റ്റിവിറ്റിയോടെ) ലഭിക്കുന്നു.

ശക്തമായ എഞ്ചിനും പ്രകടനവും
ഈ വിഭാഗത്തിൽ ഏറ്റവും കൂടുതൽ പവർ ഉത്പാദിപ്പിക്കുന്ന എഞ്ചിനാണ് ഈ എഞ്ചിന്റെ ഹൈലൈറ്റ്. ശക്തമായ എഞ്ചിനെയും പ്രകടനത്തെയും കുറിച്ച് പറയുകയാണെങ്കിൽ, ഇതിന് 457 സിസി, ലിക്വിഡ്-കൂൾഡ്, പാരലൽ-ട്വിൻ എഞ്ചിൻ ഉണ്ട്, ഇത് 46.9 bhp പവറും 43.5 Nm ടോർക്കും ഉത്പാദിപ്പിക്കാൻ സാധിക്കും. ക്വിക്ക്ഷിഫ്റ്ററുള്ള  6-സ്പീഡ് ഗിയർബോക്സുമായാണ് ഈ ബൈക്ക് വരുന്നത് എന്നും റിപ്പോ‍ട്ടുകൾ ഉണ്ട്. 

സസ്പെൻഷനും ബ്രേക്കിംഗും
സസ്‌പെൻഷൻ, ബ്രേക്കിംഗ് സിസ്റ്റം എന്നിവയെക്കുറിച്ച് പറയുകയാണെങ്കിൽ, ഇതിന് USD ഫോർക്കും മോണോഷോക്ക് (പ്രീലോഡ് ക്രമീകരിക്കാവുന്ന) സസ്‌പെൻഷനും ലഭിക്കുന്നു. മികച്ച സ്റ്റോപ്പിംഗ് പവറിനായി മുന്നിലും പിന്നിലും ഡിസ്ക് ബ്രേക്കുകൾ നൽകിയിരിക്കുന്നു.

എതിരാളികൾ
യമഹ MT-03, ബിഎംഡബ്ല്യു G 310 R, കെടിഎം 390 ഡ്യൂക്ക് തുടങ്ങിയ ബൈക്കുകളോടായിരിക്കും അപ്രീലിയ ടുവോണോ 457 മത്സരിക്കുക.