ആലപ്പുഴ: ഹരിപ്പാട് കൊലപാതക കേസില്‍ ജാമ്യത്തിറങ്ങി ഒളിവില്‍പ്പോയ പ്രതിയെ പോലീസ് അറസ്റ്റ് ചെയ്തു. പത്തിയൂര്‍ എരുവ ചേരുകുളഞ്ഞി വീട്ടില്‍ സെയ്ഫുദീനാ(സെയ്ഫ്-30)ണ് അറസ്റ്റിലായത്.
കണ്ണൂരിലെ ഹെറിറ്റേജ് ഹോമിലാണ് ഇയാള്‍ ഒളിവില്‍ കഴിഞ്ഞിരുന്നത്. ഇവിടെ നിന്നാണ് കഴിഞ്ഞ ദിവസം പോലീസ് സെയ്ഫുദ്ദീനെ പിടികൂടിയത്. ഇയാള്‍ വിചാരണയ്ക്ക് ഹാജരാകാത്തതിനാല്‍ മാവേലിക്കര ജില്ലാ സെഷന്‍സ് കോടതി വാറണ്ട് പുറപ്പെടുവിച്ചിരുന്നു.
2017-ഫെബ്രുവരിയില്‍ കണ്ടല്ലൂര്‍ തെക്ക് ശരവണഭവനത്തില്‍ സുമേഷിനെ വെട്ടിക്കൊലപ്പെടുത്തിയ കേസിലെ പ്രതിയാണ് ഇയാള്‍. എസ്.ഐ. ബ്രിജിത്ത് ലാല്‍, എ.എസ്.ഐമാരായ സുരേഷ് കുമാര്‍, ഇസ്ള, സീനിയര്‍ സി.പി.ഒ. രാഹുല്‍ ആര്‍. കുറുപ്പ് എന്നിവര്‍ ചേര്‍ന്നാണ് പ്രതിയെ അറസ്റ്റു ചെയ്തത്.
