ഡെറാഡൂൺ: ദേശീയ ഗെയിംസിൽ കേരളത്തിനു വീണ്ടും സ്വർണം. വനിതകളുടെ തയ്ക്വാൻഡോയിൽ (67 കിലോ) കേരളത്തിന്റെ മാർഗരറ്റ് മരിയ റെ‍ജി സ്വർണം സ്വന്തമാക്കി.
ഇന്ന് ഏഴ് വെങ്കലം മെഡലുകളും കേരളം സ്വന്തമാക്കി.
പുരുഷൻമാരുടെ ലോങ് ജംപിൽ സിവി അനുരാഗാണ് അത്‍ലറ്റിക്സിലെ ആദ്യ മെഡൽ നേടിയത്. പിന്നാലെ വനിതാ പോൾ വാൾട്ടിൽ മരിയ ജോൺസനും പുരുഷ വിഭാഗം ഡിസ്കസ് ത്രോയിൽ അലക്സ് പി തങ്കച്ചൻ എന്നിവരും വെങ്കലം നേടി.
തയ്ക്വാൻഡോയിൽ ബി ശ്രീജിത്ത് (63 കിലോ താഴെ), മനു ജോർജ് (80 കിലോ) എന്നിവരും വനിതകളിൽ ശിവാങ്കി ചനംബവും (53 കിലോ താഴെ) കേരളത്തിനായി വെങ്കലം സ്വന്തമാക്കി.
തയ്ക്വാൻഡോ ഗ്രൂപ്പ് വിഭാഗത്തിലും കേരളത്തിനു വെങ്കലമുണ്ട്. കർണിക, സെബ, ലയ ഫാത്തിമ എന്നിവരടങ്ങിയ ടീമാണ് മെഡൽ സ്വന്തമാക്കിയത്.