ദിസ്പൂർ: അസമിൽ വീട് നിർമ്മാണത്തിനായി ഖനനം ചെയ്യുന്നതിനിടെ ഒരു പുരാതന ഹനുമാൻ ക്ഷേത്രം കണ്ടെത്തി. പഥർകണ്ടിയിലെ ബിൽബാരിയിലെ ലങ്കായ് നദിക്ക് സമീപമാണ് ക്ഷേത്രം കണ്ടെത്തിയത്.
ക്ഷേത്രം കണ്ടെത്തിയതിൽ നാട്ടുകാർ വലിയ സന്തോഷത്തിലാണ്. ക്ഷേത്രത്തിന്റെ പുനർനിർമ്മാണത്തിനും സംരക്ഷണത്തിനുമുള്ള ക്രമീകരണങ്ങൾ ചെയ്യാൻ നാട്ടുകാർ മുന്നോട്ട് വരുന്നുണ്ട്.
ഹനുമാൻ ക്ഷേത്രത്തിന് ആയിരക്കണക്കിന് വർഷങ്ങൾ പഴക്കമുണ്ടെന്ന് പറയപ്പെടുന്നു. ക്ഷേത്രത്തിന്റെ മധ്യഭാഗത്ത് ഹനുമാൻ വിഗ്രഹവും ചുറ്റും നിരവധി ദേവതകളുടെ പ്രതിമകളും ഉണ്ട്. ക്ഷേത്രത്തിന്റെ പിൻഭാഗത്ത് മുഴുവൻ ഹനുമാൻ ചാലിസയും ആലേഖനം ചെയ്തിട്ടുണ്ട്.
