കോഴിക്കോട്: നരിക്കുനി പള്ളിയാര്‍കോട്ടയില്‍ പോലീസുകാര്‍ക്ക് നേരെ കൈയേറ്റം. വനിതാ എസ്.ഐയ്ക്കും രണ്ട് പോലീസ് ഉദ്യോഗസ്ഥര്‍ക്കും നേരെയാണ് കൈയേറ്റമുണ്ടായത്.
കാക്കൂര്‍ എസ്ഐ ജീഷ്മ, എഎസ്.ഐ ദിനേശ്, സിപി.ഒ രജീഷ് എന്നിവര്‍ക്കാണ് പരിക്കേറ്റത്. ഇവരെ താമരശേരി താലൂക്ക് ആശുപത്രിയില്‍ ചികിത്സ തേടി.
സംഭവത്തില്‍ കുന്ദമംഗലം സ്വദേശി ബാബുരാജന്‍, കുറ്റിക്കാട്ടൂര്‍ സ്വദേശി പ്രശാന്ത്, വെള്ളിപറമ്പിലെ ഷനൂബ്, നെല്ലിക്കോട് സ്വദേശി രാജേഷ് എന്നിവരെ കസ്റ്റഡിയിലെടുത്തു.
പള്ളിയാര്‍ കോട്ടയില്‍ വച്ചാണ് സംഭവം. സംശയാസ്പദമായ സാഹചര്യത്തില്‍ കണ്ട വാഹനത്തില്‍ ഉള്ളവരോട് കാര്യം തിരക്കിയപ്പോഴാണ് കൈയേറ്റമുണ്ടായത്.
