കൊച്ചി: കളമശേരിയില്‍ അപ്പാര്‍ട്‌മെന്റില്‍ ഇന്റേണ്‍ഷിപ്പിനെത്തിയ വിദ്യാര്‍ത്ഥികളെ സുഹൃത്തായ വിദ്യാര്‍ത്ഥിയുള്‍പ്പെട്ട സംഘം ആക്രമിച്ചു. അഞ്ച് വിദ്യാര്‍ത്ഥികള്‍ക്ക് ഗുരുതര പരിക്കേറ്റു.
കാസര്‍കോഡ് സ്വദേശികളായ ഷാസില്‍ (21), അജിനാസ്, സൈഫുദ്ദീന്‍, മിഷാല്‍, അഫ്‌സല്‍ എന്നിവര്‍ക്കാണ് ഗുരുതര പരുക്കേറ്റത്. പെണ്‍ സുഹൃത്തിനെ ചൊല്ലിയുള്ള തര്‍ക്കം രണ്ട് സുഹൃദ് സംഘങ്ങള്‍ തമ്മിലെ സംഘര്‍ഷത്തില്‍ കലാശിച്ചെന്നാണ് വിവരം.
തിങ്കളാഴ്ച പുലര്‍ച്ചെ 2.15ന് സീപോര്‍ട്ട് എയര്‍ പോര്‍ട്ട്‌റോഡിന് സമീപം കൈപ്പടമുഗളില്‍ അഫ്‌സല്‍ എന്നയാളുടെ ഉടമസ്ഥതയിലുള്ള അപ്പാര്‍ട്‌മെന്റിലാണ് സംഘര്‍ഷമുണ്ടായത്. ആക്രമിക്കപ്പെട്ട വിദ്യാര്‍ത്ഥികളുടെ സുഹൃത്തായ ദേവാനന്ദും കണ്ടാലറിയാവുന്ന നാല് പേരും ചേര്‍ന്നാണ് ആക്രമിച്ചത്. വിദ്യാര്‍ത്ഥികളുടെ സുഹൃത്തായ ദേവാനന്ദും കണ്ടാലറിയാവുന്ന നാല് പേരും ചേര്‍ന്നാണ് ആക്രമിച്ചത്.
കൊലപാതക ശ്രമം അടക്കമുളള വകുപ്പുകള്‍ ചുമത്തി കളമശേരി പോലീസ് കേസെടുത്തു. ആരെയും അറസ്റ്റ് ചെയ്തിട്ടില്ല.
പെണ്‍സുഹൃത്തിനെ ചൊല്ലി തര്‍ക്കം; വിദ്യാര്‍ത്ഥികള്‍ തമ്മിലുണ്ടായ സംഘര്‍ഷത്തില്‍ അഞ്ച് വിദ്യാര്‍ത്ഥികള്‍ക്ക് ഗുരുതര പരിക്ക്
Byadmin
Jan 14, 2025