വീണ്ടും 100 കോടിയിലേക്കോ?, അത്ഭുതമായി ബാലയ്യ, കളക്ഷനില്‍ ഞെട്ടിച്ച് ഡാകു മഹാരാജും, ഒരാള്‍ മാത്രം മുന്നില്‍
നന്ദമുരി ബാലകൃഷ്‍ണ നായകനായി എത്തിയ ചിത്രമാണ് ഡാകു മഹാരാജ്. ബോബി കൊല്ലിയാണ് സംവിധാനം നിര്‍വഹിച്ചത്. വമ്പൻ ഓപ്പണിംഗാണ് ചിത്രത്തിന് ലഭിച്ചത്. ഇന്നലെ പ്രദര്‍ശനത്തിന് എത്തി 48 കോടി രൂപയിലധികം ഡാകു മഹാരാജ് നേടിയിരിക്കുകയാണ്.
തെലുങ്കില്‍ നിന്ന് പുതിയ വര്‍ഷം വന്നവയില്‍ രണ്ടാം സ്ഥാനത്താണ് ഡാകു മഹാരാജ്. രാം ചരണിന്റെ ഗെയിം ചേഞ്ചറാണ് കളക്ഷനില്‍ ഒന്നാം സ്ഥാനത്ത്. വമ്പൻ ഹിറ്റിലേക്ക് ബാലയ്യുടെ പുതിയ ചിത്രവും കുതിക്കുമെന്നാണ് സൂചനകള്‍. മികച്ച അഭിപ്രായമാണ് ബാലയ്യയുടെ ചിത്രത്തിന് തിയറ്ററുകളില്‍ നിന്ന് ലഭിക്കുന്നത്.
ഡാകു മഹാരാജിലെ നൃത്ത രംഗം വിവാദമായി മാറിയിരുന്നു. നന്ദാമുരി ബാലകൃഷ്‍ണയും ഉര്‍വശി റൗട്ടേലയുമാണ് രംഗത്ത് ഉള്ളത്. അനുചിതമായ സ്റ്റെപ്പുകാളാണ് വിവാദ ഗാന രംഗത്ത് എന്നാണ് വിമര്‍ശനം. ശേഖര്‍ മാസ്റ്ററാണ് നൃത്ത സംവിധാനം. സിത്താര എന്റര്‍ടെയ്‍ൻമെന്റ്‍സാണ് ചിത്രത്തിന്റെ നിര്‍മാണം. നന്ദാമുരി ബാലകൃഷ്‍ നായകനായി വന്ന ചിത്രത്തില്‍ പ്രഗ്യ ജെയ്‍സ്വാള്‍, ശ്രദ്ധ ശ്രീനാഥ്, ചാന്ദിനി ചൗധരി, റിഷി, നിതിൻ മേഹ്‍ത, ആടുകളം നരേൻ, ഷൈൻ ടോം ചാക്കോ, രവി കിഷൻ, സച്ചിൻ ഖേദേകര്‍, വിവിവി ഗണേഷ്, മകരനന്ദ് ദേശ്‍പാണ്ഡേ, ഹര്‍ഷ വര്‍ദ്ധൻ, സന്ദീപ് രാജ്, ദിവി വദ്ധ്യ, രവി കലേ, ശേഖര്‍, ബോബി കൊല്ലി എന്നിവരും കഥാപാത്രങ്ങളായി ഉണ്ട്. വിജയ് കാര്‍ത്തിക് കണ്ണനാണ് ഛായാഗ്രാഹണം. സംഗീതം നിര്‍വഹിച്ചത് റുബൻ ആണ്.
തെലുങ്കില്‍ മിനിമം ഗ്യാരണ്ടിയുള്ള ഒരു താരമാണ് ബാലയ്യ. തുടര്‍ച്ചയായി ബാലയ്യ മൂന്ന് 100 കോടി ക്ലബിലെത്തിയിരുന്നു. അഖണ്ട, വീര സിംഹ റെഡ്ഡി സിനിമകള്‍ക്ക് പുറമേ ഭഗവത് കേസരിയും 100 കോടി ക്ലബില്‍ എത്തിയിരുന്നു. ബാലയ്യ വീണ്ടും 100 കോടിയിലധികം കളക്ഷൻ നേടുമെന്നാണ് സൂചനകള്‍.
Read More: രേഖാചിത്രത്തിന്റെ പോക്ക് എങ്ങോട്ടാണ്?, ഞായറാഴ്‍ചത്തെ കളക്ഷൻ തുക കേട്ട് ഞെട്ടി മോളിവുഡ്