മലയാള സിനിമ പ്രേമികളുടെ പ്രിയപ്പെട്ട ജോഡിയായ നിവിന്‍ പോളിയും നയന്‍താരയും ആറ് വര്‍ഷത്തിന് ശേഷം വീണ്ടും ഒന്നിക്കുന്നു. ധ്യാന്‍ ശ്രീനിവാസന്‍ സംവിധാനം ചെയ്ത ‘ലവ് ആക്ഷന്‍ ഡ്രാമ’ ക്ക് ശേഷമാണ് ശേഷം തെന്നിന്ത്യന്‍ താരസുന്ദരി നയന്‍താരയും മലയാളത്തിന്റെ പ്രിയ താരം നിവിന്‍പോളിയും പുതിയ സിനിമയിയുമായി എത്തുന്നത്.
തിരിച്ചുവരവ്
ജോര്‍ജ് ഫിലിപ്പ് റോയ്, സന്ദീപ് കുമാര്‍ എന്നിവര്‍ ചേര്‍ന്ന് രചനയും സംവിധാനവും നിര്‍വ്വഹിക്കുന്ന ‘ഡിയര്‍ സ്റ്റുഡന്റ്‌സ്’ എന്ന ചിത്രത്തിലൂടെയാണ് ഈ തിരിച്ചുവരവ്.
വിനീത് ജയിന്‍ നേതൃത്വം നല്‍കുന്ന മാവെറിക് മൂവീസ് പ്രൈവറ്റ് ലിമിറ്റഡുമായി സഹകരിച്ച് പോളി ജൂനിയര്‍ പിക്ചേഴ്സിന്റെ ബാനറില്‍ നിവിന്‍ പോളി തന്നെയാണ് ചിത്രം നിര്‍മിക്കുന്നത്. 2025-ല്‍ ചിത്രം പ്രേക്ഷകരുടെ മുന്നിലെത്തും.
നിവിന്റെ ശക്തമായ തിരിച്ചുവരവിനായി ആരാധകര്‍ കാത്തിരിക്കുന്നതിനിടയാണ് നിവിന്‍ പുതിയ പോസ്റ്ററിലെ നിവിന്‍ പോളിയുടെ മാറ്റം ആരാധകരെ ഞെട്ടിച്ചിരിക്കുന്നത്.
തടി കുറച്ച നിവിന്‍ പോളിയുടെ ചിത്രമാണ് സോഷ്യല്‍ മീഡിയ ഏറ്റെടുത്തിരിക്കുന്നത്.