ആലപ്പുഴ: കുട്ടികള്‍ പുകവലിച്ചതിന് ജാമ്യമില്ലാ വകുപ്പ് ചുമത്തിയത് എന്തിനാണെന്ന് എക്‌സൈസിനെ വിമര്‍ശിച്ച് മന്ത്രി സജി ചെറിയാന്‍. യു. പ്രതിഭ എം.എല്‍.എയുടെ മകനെതിരായ കഞ്ചാവ് കേസില്‍ പ്രതികരിക്കുകയായിരുന്നു അദ്ദേഹം. ബുധനാഴ്ച കായംകുളത്ത് നടന്ന സി.പി.എം. രക്തസാക്ഷി പരിപാടിയില്‍ യു. പ്രതിഭ വേദിയിലിരിക്കെയാണ് പരാമര്‍ശം.
എഫ്.ഐ.ആര്‍. ഞാന്‍ വായിച്ചതാണ്. അതില്‍ മോശപ്പെട്ടതായി ഒന്നുമില്ല. കൂട്ടംകൂടി പുകവലിച്ചെന്നാണ് എഫ്.ഐ.ആറില്‍ പറയുന്നത്. കുഞ്ഞുങ്ങളല്ലേ അവര്‍ വര്‍ത്തമാനം പറയും കമ്പനിയടിക്കും ചിലപ്പോള്‍ പുക വലിക്കും. അതിനെന്താണ്? വലിച്ചത് ശരിയാണെന്നല്ല. ചെയ്തെങ്കില്‍ തെറ്റാണ്.
പ്രതിഭയുടെ മകന്‍ ഇങ്ങനെ ഒരു കാര്യത്തില്‍ കൂട്ടുകൂടി. അതിന് പ്രതിഭ എന്ത് വേണം. അവര്‍ ഒരു സ്ത്രീയല്ലേ? ആ പരിഗണന കൊടുക്കണ്ടേ. ഞാനും വല്ലപ്പോഴുമൊക്കെ പുക വലിക്കുന്ന ആളാണ്. പണ്ട് ജയിലില്‍ കിടന്നപ്പോള്‍ വലിച്ചിരുന്നു. എം.ടി. വാസുദേവന്‍ നായര്‍ കെട്ടുകണക്കിനു ബീഡി വലിക്കുമായിരുന്നു. അതു ചിലരുടെ ശീലമാണെന്നും സജി ചെറിയാന്‍ പറഞ്ഞു.
കുഞ്ഞുങ്ങളല്ലേ അവര്‍ വര്‍ത്തമാനം പറയും കമ്പനിയടിക്കും ചിലപ്പോള്‍ പുക വലിക്കും, അതിനെന്താണ്? പ്രതിഭയുടെ മകന്‍ ഇങ്ങനെ ഒരു കാര്യത്തില്‍ കൂട്ടുകൂടി, അതിന് പ്രതിഭ എന്ത് വേണം: സജി ചെറിയാന്‍
Byadmin
Jan 3, 2025