സ്ത്രീധനപീഡനത്തെ തുടർന്ന് വിസ്മയ ആത്മഹത്യ ചെയ്ത കേസിലെ പ്രതി കിരണിന് പരോൾ അനുവദിച്ച് ജയിൽ ഡിജിപി. മോചനം കടുത്ത നിബന്ധനകളോടെ. ഡിജിപിയുടെ നടപടി പോലീസ് റിപ്പോർട്ടിനെ മറികടന്ന്

തിരുവനന്തപുരം: സ്ത്രീധനപീഡനത്തെ തുടർന്ന്  ആത്മഹത്യ ചെയ്ത വിസ്മയ  കേസിലെ പ്രതി കിരണിന് പരോള്‍ അനുവദിച്ചു. 30 ദിവസത്തേക്കാണ് പരോൾ.
ജയിൽ മേധാവി ബൽറാം കുമാർ ഉപാധ്യായയാണ് കിരണിന് പരോൾ അനുവദിച്ചിരിക്കുന്നത്. കടുത്ത നിബന്ധനകളോടെയാണ് പരോള്‍ അനുവദിച്ചതെന്നാണ് ജയിൽ ആസ്ഥാനത്തിന്റെ വിശദീകരണം.
പോലിസ് റിപ്പോർട്ട് എതിരായിട്ടും ജയിൽ മേധാവിയാണ് പരോള്‍ അനുവദിച്ചത്. പൂജപ്പുര സെൻട്രൽ ജയിലിൽ കഴിയുന്ന കിരണ്‍ പരോളിന് ആദ്യം അപേക്ഷ നൽകിയെങ്കിലും പെബ്രേഷൻ റിപ്പോർട്ടും പൊലീസ് റിപ്പോർട്ടും എതിരായതിനാൽ ജയിൽ സൂപ്രണ്ട് അപേക്ഷ തള്ളി. വീണ്ടും അപേക്ഷ നൽകിയപ്പോള്‍ പൊലീസ് റിപ്പോർട്ട് എതിരായിരുന്നു. പ്രൊബേഷൻ റിപ്പോർട്ട് അനുകൂലമായി വന്നു. സൂപ്രണ്ട് അപേക്ഷ ജയിൽ മേധാവിയുടെ പരിഗണനക്ക് വിട്ടു.  10 വർഷത്തെ തടവിനാണ് കിരണിനെ ശിക്ഷിച്ചത്.