Malayalam News Live: മലയാളത്തിന്റെ എംടിക്ക് അന്ത്യാഞ്ജലി; സംസ്കാരം വൈകിട്ട് അഞ്ചിന്
മലയാളത്തിന്റെ ‘വടക്കൻ വീരഗാഥ’ എംടി വാസുദേവൻ നായർ അന്തരിച്ചു. കോഴിക്കോട്ടെ ആശുപത്രിയിൽ ഹൃദയസംബന്ധമായ അസുഖത്തെ തുടർന്ന് ചികിത്സയിലിരിക്കെ ഇന്നലെ രാത്രിയോടെയാണ് മരണം സംഭവിച്ചത്. ഏഴുപതിറ്റാണ്ട് എഴുത്തിന്റെ ‘സുകൃത’മായി നിറഞ്ഞ അതുല്യ വ്യക്തിത്വമാണ് മലയാളത്തോട് വിടപറയുന്നത്. കൈവെച്ച മേഖലകളിൽ എല്ലാം ‘ഉയരങ്ങളിൽ’ എത്തിയ പ്രതിഭാശാലിയായിരുന്നു അദ്ദേഹം. വീട്ടിലെ അന്ത്യദര്‍ശനത്തിനുശേഷം അന്ത്യകര്‍മ്മങ്ങള്‍ നടന്നു. വൈകിട്ട് അഞ്ചിന് കോഴിക്കോട് മാവൂർ റോഡിലെ സ്മൃതിപദം എന്ന പേരിലുള്ള കോര്‍പ്പറേഷൻ ശ്മശാനത്തിൽ സംസ്കാരം നടക്കും.