തൃശൂര്‍: തൃശൂരില്‍ രണ്ട് യുവാക്കള്‍ കുത്തേറ്റ് മരിച്ചു. കൊടകരയിലാണ് സംഭവം. കല്ലിങ്ങപ്പുറം വീട്ടില്‍ സുജിത്ത് (29), മഠത്തില്‍ പറമ്പില്‍ അഭിഷേക്(28) എന്നിവരാണ് മരിച്ചത്. ഇന്നലെ രാത്രി 11.30 ഓടെയായിരുന്നു സംഭവം.
4 കൊല്ലം മുമ്പ് സുഹൃത്തിനെ സുജിത് ആക്രമിച്ചതിലുള്ള പക തീര്‍ക്കാന്‍ യുവാക്കള്‍ സംഘം ചേര്‍ന്ന് എത്തുകയായിരുന്നു.
കൊലപ്പെട്ട അഭിഷേകും മറ്റ് രണ്ടു പേരും ചേര്‍ന്നാണ് സുജിത്തിനെ വീട് കയറി ആക്രമിച്ചത്. കുത്തുകൊണ്ട സുജിത്ത് പ്രതിരോധിക്കുന്നതിനിടെയാണ് അഭിഷേകിനും കുത്തേറ്റത്
വീട് ആക്രമിക്കാനെത്തിയ സംഘത്തിലെ വിവേകിനെ 4 കൊല്ലം മുമ്പ് ക്രിസ്മസ് രാത്രിയില്‍ സുജിത്ത് കുത്തിയിരുന്നു. ഇതിന്റെ പക വീട്ടാനുള്ള ശ്രമമാണ് രണ്ട് പേരുടെ മരണത്തില്‍ കലാശിച്ചത്.
ഹരീഷ്, വിവേക്, അഭിഷേക് എന്നിവരാണ് സുജിത്തിന്റെ വീട്ടില്‍ ആക്രമിക്കാന്‍ കയറിയത്.
സുജിത്തിന്റെ മൃതദേഹം ചാലക്കുടിയിലെ സ്വകാര്യ ആശുപത്രിയിലും അഭിഷേകിന്റെ മൃതദേഹം കൊടകരയിലെ സ്വകാര്യ ആശുപത്രിയിലും സൂക്ഷിച്ചിരിക്കുകയാണ്.