പത്തനംതിട്ട: പെണ്‍കുട്ടിയെ വീഡിയോ കോള്‍ ചെയ്ത് യുവാവ് തിരുമൂലപുരത്ത് ജീവനൊടുക്കിയ നിലയില്‍. കുമളി കൊല്ലംപട്ടട പുഷ്പശേരില്‍ വീട്ടില്‍ അഭിജിത്താ(23)ണ് മരിച്ചത്.
ഇന്നലെ ഉച്ചയ്ക്കായിരുന്നു സംഭവം. വീഡിയോകോള്‍ ചെയ്ത് പെണ്‍കുട്ടിയോട് ആത്മഹത്യ ചെയ്യുകയാണെന്ന് അഭിജിത്ത് പറഞ്ഞു. പെണ്‍കുട്ടി ഉടന്‍ അഭിജിത്തിന്റെ താമസസ്ഥലത്ത് എത്തിയെങ്കിലും അപ്പോഴേക്കും അഭിജിത്ത് ജീവനൊടുക്കിയിരുന്നു.
ജര്‍മന്‍ ഭാഷാ പഠനത്തിനായി തിരുമൂലപുരത്ത് വാടകയ്ക്ക് താമസിച്ചിരുന്ന അഭിജിത്ത് തിരുവല്ലയില്‍ ഒരു വിദ്യാഭ്യാസ സ്ഥാപനത്തിലാണ് പഠിച്ചിരുന്നത്. പെണ്‍കുട്ടിയും ഇവിടെയാണ് പഠിച്ചിരുന്നത്. അവധിദിനത്തില്‍ നാട്ടില്‍ പോയിരുന്ന അഭിജിത്ത് ഞായറാഴ്ച രാവിലെയാണ് തിരുവല്ലയില്‍ മടങ്ങിയെത്തിയത്.
