ഗുരുവായൂരിൽ മദ്യ ലഹരിയിൽ അച്ഛനും മകനും തർക്കം; അച്ഛനെ വെട്ടി മകൻ, ആശുപത്രിയിൽ പ്രവേശിപ്പിച്ചു
തൃശൂർ: ഗുരുവായൂരിൽ മദ്യ ലഹരിയിൽ അച്ഛനും മകനും തമ്മിലുള്ള തർക്കം കത്തിക്കുത്തിൽ കലാശിച്ചു. ഇരുവരും തമ്മിലുണ്ടായ തർക്കത്തിൽ മകൻ അച്ഛനെ വെട്ടുകയായിരുന്നു. ഗുരുവായൂർ നെന്മിനി പുതുക്കോട് വീട്ടിൽ ഉണ്ണികൃഷ്ണനാണ് വെട്ടേറ്റത്. 60വയസ്സായിരുന്നു. മകൻ സുഭാഷിനുമായി വാക്ക് തർക്കത്തിനിടെയാണ് ഉണ്ണികൃഷ്ണന് തലയ്ക്ക് പുറകിൽ വെട്ടേറ്റത്. ഉണ്ണികൃഷ്ണനെ ചാവക്കാട് ഗവ. താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തിൽ പൊലീസ് കേസെടുത്തു.