തിരുവനന്തപുരം: മുഖ്യമന്ത്രിയുടെ പരിപാടിയിൽ വീണ്ടും മൈക്ക് തകരാറിലായി. എന്നാല്‍ ഇത്തവണ ചിരിച്ചാണ് മുഖ്യമന്ത്രി വിഷയം കൈകാര്യം ചെയ്തത്. താന്‍ ചൊല്ലുന്നിടത്തെല്ലാം മൈക്കിന്റെ പ്രശ്‌നമേയുള്ളുവെന്ന് മുഖ്യമന്ത്രി ചിരിച്ചുകൊണ്ടു പറഞ്ഞു.
തിരുവനന്തപുരത്ത് തൈക്കാട് ഗസ്റ്റ് ഹൗസില്‍ വിളിച്ചുചേര്‍ത്ത എംപിമാരുടെ യോഗത്തില്‍ സംസാരിക്കുന്നതിനിടെയാണ് മൈക്ക് പണിമുടക്കിയത്. പൊതുമരാമത്തിന്റെ മൈക്കാണെന്ന് എംപി ബെന്നി ബഹന്നാന്‍ പറയുന്നതും വീഡിയോയില്‍ കേള്‍ക്കാം.
മന്ത്രി മുഹമ്മദ് റിയാസും യോഗത്തില്‍ സംബന്ധിച്ചിരുന്നു. വയനാട് ദുരന്തവുമായി സ്വീകരിച്ച നടപടികള്‍ യോഗത്തില്‍ അവതരിപ്പിക്കുന്നതിനിടെയാണ് മൈക്ക് തകരാറിലായത്.
എവിടെ ചെന്നാലും ഈ മൈക്ക് ഇങ്ങനെയാണല്ലോ ! മുഖ്യമന്ത്രിയോട് വീണ്ടും പിണങ്ങി മൈക്ക്, ഇക്കുറി ചിരിയിലൊതുക്കി പിണറായി
Byadmin
Nov 21, 2024