തിരുവനന്തപുരം: ആലപ്പുഴ ഗവണ്‍മെന്റ് ഡെന്റല്‍ കോളജിന്റെ അംഗീകാരം ഇന്ത്യന്‍ ഡെന്റല്‍ കൗണ്‍സില്‍ താല്‍ക്കാലികമായി റദ്ദാക്കി. സ്വന്തമായി കെട്ടിടം പോലുമില്ലാത്ത സാഹചര്യത്തിലാണ് അംഗീകാരം റദ്ദാക്കിയത്.
അടുത്ത വര്‍ഷം പ്രവേശനം നടത്തരുതെന്നാണ് ആരോഗ്യ സര്‍വകലാശാലയേയും കോളജിനേയും അറിയിച്ചിരിക്കുന്നത്. നിലവില്‍ പാരാ മെഡിക്കല്‍ ഇന്‍സ്റ്റിറ്റ്യൂട്ടിലാണ് കോളജ് പ്രവര്‍ത്തിക്കുന്നത്.
2015ലാണ് ഡെന്റല്‍ കോളജ് ആരംഭിക്കുന്നത്. മെഡിക്കല്‍ കോളജ് വളപ്പില്‍ 2018ല്‍ കെട്ടിട നിര്‍മാണം ആരംഭിച്ചെങ്കിലും പൂര്‍ത്തിയാക്കാനായില്ല. 2021ല്‍ നിര്‍മാണം പൂര്‍ത്തിയാക്കാനായിരുന്നു കരാര്‍. എന്നാല്‍, പൂര്‍ത്തിയായ നിര്‍മാണത്തിന് ചെലവായ തുകയുടെ പകുതിപോലും നല്‍കാത്തതിനാല്‍ നിര്‍മാണം നിലയ്ക്കുകയായിരുന്നു.
സ്വന്തമായി കെട്ടിടം പോലുമില്ല; ആലപ്പുഴ ഗവണ്‍മെന്റ് ഡെന്റല്‍ കോളജിന്റെ അംഗീകാരം താല്‍ക്കാലികമായി റദ്ദാക്കി
Byadmin
Nov 15, 2024