കുവൈറ്റ്: കുവൈറ്റ്-ചൈനീസ് ബന്ധം ശക്തവും സുസ്ഥിരവുമായ അടിത്തറയിലാണ് നിര്‍മ്മിച്ചിരിക്കുന്നതെന്ന് കുവൈറ്റ് ഇന്‍ഫര്‍മേഷന്‍-സാംസ്കാരിക മന്ത്രിയും യുവജനകാര്യ സഹമന്ത്രിയുമായ അബ്ദുല്‍റഹ്‌മാന്‍ അല്‍ മുതൈരി.
കുവൈത്തിലെ ചൈനീസ് എംബസിയുമായി സഹകരിച്ച് ബുധനാഴ്ച യാര്‍മൂക്ക് കള്‍ച്ചറല്‍ സെന്ററില്‍ നടന്ന കോണ്‍ഫറന്‍സിന്റെ ഉദ്ഘാടന വേളയില്‍ പ്രധാനമന്ത്രി ശൈഖ് അഹമ്മദ് അബ്ദുല്ല അല്‍-അഹമ്മദ് അല്‍-സബാഹിനെ പ്രതിനിധീകരിച്ച് പങ്കെടുക്കുകയായിരുന്നു മന്ത്രി.
2023 സെപ്റ്റംബറില്‍ അമീര്‍ ഷെയ്ഖ് മെഷാല്‍ അല്‍ അഹമ്മദ് അല്‍ ജാബര്‍ അല്‍ സബാഹിന്റെ ചൈന സന്ദര്‍ശനം ചൂണ്ടിക്കാട്ടി കുവൈത്ത്-ചൈന ബന്ധം ശക്തവും സുസ്ഥിരവുമായ അടിത്തറയിലാണ് നിര്‍മ്മിച്ചിരിക്കുന്നതെന്ന് മന്ത്രി പറഞ്ഞു.
ഇരു രാജ്യങ്ങളും തമ്മിലുള്ള സാംസ്കാരിക വിനിമയം വർധിപ്പിക്കുന്നതിൽ ദാർ അൽ-അഥർ അൽ-ഇസ്ലാമിയ്യയുടെ പങ്കിനെ അദ്ദേഹം പ്രശംസിച്ചു.
അതേസമയം, 1983-ൽ കുവൈത്തിൻ്റെ സാംസ്കാരിക പൈതൃക വശങ്ങൾ ലോകമെമ്പാടും അവതരിപ്പിക്കുന്നതിൽ ദാർ അൽ-അത്തർ മഹത്തായ പങ്കുവഹിച്ചതായി ഡിഎഐയിലെ ഇസ്ലാമിക് സ്മാരകങ്ങൾക്കായുള്ള ആക്ടിംഗ് അസിസ്റ്റൻ്റ് സെക്രട്ടറി ജനറൽ ഷെയ്ഖ ഡോ അൽഅനൗദ് അൽ സബാഹ് പറഞ്ഞു.
കുവൈറ്റ്-ചൈനീസ് ബന്ധം ശക്തവും സുസ്ഥിരവുമായ അടിത്തറയിലാണ് നിര്‍മ്മിച്ചിരിക്കുന്നതെന്ന് കുവൈറ്റ് മന്ത്രി
Byadmin
Nov 14, 2024