Trending Videos: ‘സുരേഷ് ഗോപിയുടെ ‘ഒറ്റ തന്ത’ വെല്ലുവിളിയിൽ CPMന് മറുപടിയില്ലേ’
കേന്ദ്രമന്ത്രി സുരേഷ് ഗോപിയുടെ പരാമര്‍ശങ്ങള്‍ ചര്‍ച്ചയാകുകയാണ്. മാധ്യമങ്ങളോട് മൂവ് ഔട്ട് പറഞ്ഞതിന് ശേഷം പൂരംകലക്കലില്‍ ‘ഒറ്റ തന്ത’ പരമാര്‍ശവും വിവാദമാകുന്നു. അതിനിടെ, എഡിഎം നവീൻ ബാബുവിന്റെ ആത്മഹത്യാ കേസിൽ റിമാൻഡിലായ മുൻ ജില്ലാപഞ്ചായത്ത് പ്രസിഡന്റ് പി.പി.ദിവ്യ ഇന്ന് ജാമ്യാപേക്ഷ നൽകുകയാണ്. തലശ്ശേരി പ്രിൻസിപ്പൽ സെഷൻസ് കോടതിയിലാവും അപേക്ഷ നൽകുക. അതേസമയം നവീൻ ബാബുവിന്റെ കുടുംബം ജാമ്യാപേക്ഷയെ എതിർത്ത് കക്ഷി ചേരും. അതിനിടെ പോത്തുകല്ലിൽ ഭൂമിക്കടിയിൽ നിന്ന് വലിയ ശബ്ദം കേട്ട ആനക്കല്ല് പട്ടികവർഗ നഗറിൽ ഇന്ന് വിദഗ്ധ സംഘം പരിശോധന നടത്തും. ഇന്നലെ ശബ്ദം അനുഭവപ്പെട്ടതിന് പിന്നാലെ വില്ലേജ് ഓഫീസറും പഞ്ചായത്ത് അംഗങ്ങളും സ്ഥലത്തെത്തിയിരുന്നു. ഭൂമി കുലുക്കമല്ല ഉണ്ടായതെന്നാണ് പ്രാഥമിക റിപ്പോർട്ട്- ഇന്നത്തെ ട്രെന്‍റിംഗ് വീഡിയോകൾ കാണാം.