കൊല്ലം: പാരിപ്പള്ളി മെഡിക്കല്‍ കോളേജ് ആശുപത്രിയില്‍ ഡോക്ടറെയും ജീവനക്കാരെയും ആക്രമിച്ച സംഭവത്തില്‍ മൂന്നു പേരെ അറസ്റ്റ് ചെയ്തു. കൊല്ലം ചടയമംഗലം പോരേടം സ്വദേശികളായ നൗഫല്‍, മുഹമ്മദ്, നൗഷാദ് എന്നിവരാണ് പിടിയിലായത്.
ആശുപത്രി അത്യാഹിത വിഭാഗത്തില്‍ ഡ്യൂട്ടിയിലുണ്ടായിരുന്ന ഡോക്ടറെയും മറ്റ് ജീവനക്കാര്‍ക്കുമാണ് മര്‍ദ്ദനമേറ്റത്. തിങ്കളാഴ്ച രാത്രിയാണ് സംഭവം. അപകടത്തില്‍ പരിക്കേറ്റ ആളെയും കൊണ്ടാണ് പ്രതികള്‍ പാരിപ്പള്ളി സര്‍ക്കാര്‍ മെഡിക്കല്‍ കോളജ് ആശുപത്രിയിലെ അത്യാഹിത വിഭാഗത്തില്‍ എത്തിയത്.
ചികിത്സ വൈകുന്നെന്ന് ആരോപിച്ച് ഡ്യൂട്ടി ഡോക്ടറുമായി ഇവര്‍ വാക്കു തര്‍ക്കമുണ്ടാകുകയും ഡോക്ടറെയും ആശുപത്രിയിലെ മറ്റ് ജീവനക്കാരെയും കൈയേറ്റം ചെയ്യുകയുമായിരുന്നു.
പാരിപ്പള്ളി മെഡിക്കല്‍ കോളേജ് ആശുപത്രിയില്‍ ഡോക്ടറെയും ജീവനക്കാരെയും ആക്രമിച്ച മൂന്നു പേര്‍ അറസ്റ്റില്‍
Byadmin
Oct 24, 2024