പത്തനാപുരം: ഓട്ടോറിക്ഷാ ഡ്രൈവര്‍ കുത്തേറ്റ് മരിച്ചു. മൈലം തെക്കേക്കര പുള്ളോര്‍കോണം ചരുവിളപുത്തന്‍വീട്ടില്‍ രഞ്ജിത്ത് (28) ആണ് മരിച്ചത്. സംഭവവുമായി ബന്ധപ്പെട്ട് തലവൂര്‍ ചാമല പീലിക്കോട്ടുവീട്ടില്‍ ലക്ഷ്മണനെ (46) പൊലീസ് കസ്റ്റഡിയിലെടുത്തു.
ചൊവ്വാഴ്ച രാത്രി 9.30-ഓടെ കുര പതിനെട്ടാംപടി ജംഗ്ഷനിലാണ് സംഭവമുണ്ടായത്. രഞ്ജിത്ത് ഓടിച്ചിരുന്ന ഓട്ടോ തടഞ്ഞുനിര്‍ത്തി ലക്ഷമണന്‍ കത്തികൊണ്ട് കുത്തുകയായിരുന്നു. രഞ്ജിത്ത് സംഭവസ്ഥലത്ത് വച്ച് തന്നെ മരിച്ചു.
തുടര്‍ന്ന് പ്രതി പൊലീസ് സ്റ്റേഷനില്‍ കീഴടങ്ങുകയായിരുന്നുവെന്നാണ് റിപ്പോര്‍ട്ട്. ഇരുവരും തമ്മില്‍ നേരത്തെ വാക്കുതര്‍ക്കമുണ്ടായിരുന്നുവെന്നാണ് വിവരം.
വാക്കുതര്‍ക്കം, ഓട്ടോറിക്ഷ തടഞ്ഞുനിര്‍ത്തി കത്തികൊണ്ട് കുത്തി, ഡ്രൈവര്‍ മരിച്ചു, പ്രതി കീഴടങ്ങി, സംഭവം പത്തനാപുരത്ത്‌
Byadmin
Oct 22, 2024