ഇംഫാല്‍: മണിപ്പൂരിലെ വിവിധ ജില്ലകളിലായി കഴിഞ്ഞ ആഴ്ച ഇന്ത്യന്‍ സൈന്യവും അസം റൈഫിള്‍സും മണിപ്പൂര്‍ പോലീസും മറ്റ് സുരക്ഷാ സേനകളും ചേര്‍ന്ന് നടത്തിയ സംയുക്ത ഓപ്പറേഷനില്‍ വന്‍ ആയുധശേഖരവും വെടിക്കോപ്പുകളും കണ്ടെടുത്തു.
മലയിലും താഴ്വരയിലുമാണ് സംയുക്ത പ്രവര്‍ത്തനങ്ങള്‍ നടത്തിയത്. വിവിധ സുരക്ഷാ സേനകള്‍ തമ്മിലുള്ള ഏകോപനവും സമന്വയവും ആയുധങ്ങളും വെടിക്കോപ്പുകളും യുദ്ധസമാനമായ സ്റ്റോറുകളും വീണ്ടെടുക്കുന്നതിന് കാരണമായി.
ഒക്ടോബര്‍ 15 ന് ഇന്ത്യന്‍ സൈന്യവും മണിപ്പൂര്‍ പോലീസും തൗബാല്‍ ജില്ലയുടെ പ്രാന്തപ്രദേശത്തുള്ള ലെയ്റോംഗ്‌ഥെല്‍ പിത്ര മേഖലയില്‍ തിരച്ചില്‍ നടത്തിയിരുന്നു.
ഒരു എകെ 56 റൈഫിള്‍, ഒരു എസ്എല്‍ആര്‍, ഒരു കാര്‍ബൈന്‍ മെഷീന്‍ ഗണ്‍, ഒരു സിംഗിള്‍ ബാരല്‍ റൈഫിള്‍, ഒരു പിസ്റ്റള്‍, ഗ്രനേഡുകള്‍, വെടിക്കോപ്പുകള്‍, യുദ്ധസമാനമായ മറ്റ് വസ്തുക്കള്‍ എന്നിവ് കണ്ടെടുത്തു.
ഒക്ടോബര്‍ 16 ന് അസം റൈഫിള്‍സും മണിപ്പൂര്‍ പോലീസും ചുരാചന്ദ്പൂര്‍ ജില്ലയിലെ കന്നന്‍ വെങ് ഗ്രാമത്തിന് സമീപം നടത്തിയ ഓപ്പറേഷനില്‍ ഒരു .303 റൈഫിള്‍, അഞ്ച് സിംഗിള്‍ ബാരല്‍ റൈഫിളുകള്‍, ഒരു 9 എംഎം പിസ്റ്റള്‍, വെടിമരുന്ന്, യുദ്ധസമാനമായ ആയുധങ്ങള്‍ എന്നിവ കണ്ടെടുത്തു.
കണ്ടെടുത്ത സാധനങ്ങള്‍ മണിപ്പൂര്‍ പോലീസിന് കൈമാറി.
