ഭാര്യയുടെ മദ്യപാനം സഹിക്കാൻ വയ്യ, തന്നെയും കുടിക്കാൻ നിർബന്ധിക്കുന്നു, പൊലീസിൽ പരാതി നല്കി യുവാവ്

ഭാര്യയുടെ മദ്യപാനം സഹിക്കാൻ വയ്യ, തന്നെയും കുടിക്കാൻ നിർബന്ധിക്കുന്നു. ഉത്തർപ്രദേശിലെ ഝാൻസിയിലുള്ള യുവാവ് തന്റെ ഭാര്യയുടെ മദ്യപാനം സഹിക്കാൻ വയ്യാതെ പോലീസിൽ പരാതി നൽകി.  പൊലീസ് സ്റ്റേഷനിലെ ഫാമിലി കൗൺസിലിം​ഗ് സെന്റർ നൽകിയ കൗൺസിലിം​ഗിനിടെ അറിയിച്ചിരിക്കുകയാണ്.
ഭാര്യ നിരന്തരം മദ്യപിക്കാൻ നിർബന്ധിക്കാൻ തുടങ്ങിയതോടെ മദ്യത്തോട് അത്ര താല്പര്യമില്ലാത്ത യുവാവ് അവളെ അവളുടെ വീട്ടിൽ കൊണ്ടുവിടുകയായിരുന്നു. ഇതിന് പിന്നാലെ ഭാര്യ യുവാവ് ഉപേക്ഷിച്ചതായി കാണിച്ച് പൊലീസ് സ്റ്റേഷനിൽ പരാതി നൽകി. ഇതിന്റെ അടിസ്ഥാനത്തിലാണ് രണ്ടുപേരെയും വിളിക്കുകയും കൗൺസിലിം​ഗ് നൽകാൻ ആരംഭിക്കുകയും ചെയ്തത്. അപ്പോഴാണ് ഭാര്യ തന്നെ ദിവസവും മദ്യപിക്കാൻ നിർബന്ധിക്കുന്നു എന്ന സത്യം യുവാവ് വെളിപ്പെടുത്തിയത്.
കൗൺസിലർ പറയുന്നതനുസരിച്ച്, കൗൺസിലിം​ഗ് ആരംഭിക്കുമ്പോൾ തന്നെ അവിടെവച്ച് ഭാര്യയും ഭർത്താവും വഴക്കുണ്ടാക്കാൻ തുടങ്ങി. ഭാര്യ ദിവസവും മദ്യപിക്കും. അത് പോരാതെ തന്നെ മദ്യപിക്കാൻ നിർബന്ധിക്കുകയും ചെയ്യും. തനിക്കാണെങ്കിൽ മദ്യപിക്കാൻ ഇഷ്ടമല്ല എന്നാണ് ഭർത്താവ് ആരോപിച്ചത്.