മലപ്പുറം: പ്ലസ് ടു വിദ്യാര്‍ത്ഥിയെ കാണാതായതായി പരാതി. മലപ്പുറം കരുവാരക്കുണ്ട് നീലാഞ്ചേരി സ്വദേശി അനുവിന്ദിനെയാണ് കാണാതായത്. അവധിയായതിനാല്‍ അമ്മവീടായ കാരോത്തോട്ടിലേക്ക് ഇന്നലെയാണ് കുട്ടി വന്നതാണ്.
ഇന്ന് രാവിലെ ആറിനാണ് കുട്ടിയെ കാണാതാകുന്നത്. അനുവിന്ദ് മൊബൈല്‍ ഫോണ്‍ കൊണ്ടുപോയിട്ടില്ല. എല്ലാ വിഷയത്തിനും എപ്ലസോടെയാണ് അനുവിന്ദ് പത്താം ക്ലാസ് പാസാകുന്നത്.
എന്നാല്‍ പ്ലസ് വണ്ണിലും പ്ലസ്ടൂവിലും അത്തരത്തിലൊരു റിസള്‍ട്ട് കിട്ടിയില്ല. പഠനം ബുദ്ധിമുട്ടാണെന്ന് സഹപാഠികളോട് പറഞ്ഞതായാണ് വിവരം. സംഭവത്തില്‍ പോലീസ് അന്വേഷണം ആരംഭിച്ചു.
അവധിക്ക് അമ്മ വീട്ടിലെത്തി, പുലര്‍ച്ചെ കാണാതായി; മലപ്പുറത്ത് പ്ലസ് ടു വിദ്യാര്‍ത്ഥിക്കായി തെരച്ചില്‍
Byadmin
Oct 11, 2024